Broă 8:7 - Sră Goh 2018

⁷ tài bơh gơs ală hwềng cà ƀơ̆ driau dờng lik bơh di oă cau gơ neh lơh; oă cau gơlte bal mơ cau pă geh sơmbòi.

Broă 8:7 ပူးပေါင်းရင်းမြစ်များ

Esai 35:6

Tŭ hơ̆ cau kwet kơlte rơp sơnđoh be jun, lơmpiat cau kloat rơp đơs chò bơta hòn chò in. Dà rơp gơcat tòm ƀlàng ngềt ngơt, mơ ală croh dà rơp gơhòr tòm ƀlàng bràs.

Mathiơ 10:1

Yàng Jesu hòi jơt bàr nă cau bơtê tus, ai bol khai in gơs gơnoar hơđang ală cà nàng bơtrơh bol gơ, mơ sơmbòi ală bơta kòp jê lơbơn lơño.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Jơnau Niam Jat Mak 9:26

Chòp cà driau dờng, sơntơt rơnggô oh dềt pràn ngan mơ lik bơh di khai. Oh dềt hơ̆ gơlik gơs be neh chơt, tian gơs oă cau đơs lah: “Khai neh chơt rau.”

Luka 10:17

Poh jơt nă cau bơtê hòn chò rê wơl, đơs lah: “Ơ Yàng, bơh ai sơnđan Yàng tian gơs ală cà kung dòn duh bol hi!”

Jang 14:12

Di ngan, di ngan, Añ đơs mơ bol mê, cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.

Broă 5:16

Mpồl làng bol ơm tòm ală ƀòn dờng gùt dar Jerusalem kung lòt tus, cèng ală cau kòp jê, cau cà lơh, mơ jơh ală cau geh sơmbòi lơm.

Broă 8:6

Mpồl làng bol kơno Philip bơto mơ gŏ ală tềl krơi khai lơh, gen gơs dô nùs bal wèt tồr iat jơnau khai đơs,

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.