Broă 8:12 - Sră Goh 2018

¹² Mơya dơ̆ bol hơ̆ neh dòn Philip bơto yal Jơnau Niam lơgar Yàng Tom Trồ dê mơ sơnđan Yàng Jesu Krist dê, gen ală cau klau cau ùr gơs ƀaptem.

Broă 8:12 ပူးပေါင်းရင်းမြစ်များ

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Luka 9:2

mơ sồr bol khai lik lòt bơto yal bơh lơgar Yàng Tom Trồ, mơ sơmbòi ală cau kòp jê.

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.

Broă 11:20

Bulah behơ̆, tòm mpồl ală cau hơ̆ gơs cau ƀà ơm tòm Ciprus mơ Siren lòt tus hơ Antiôt, kung bơto Jơnau Niam cau Grek in sơl, mơ bơto yal bơh Yàng la Yàng Jesu bol khai in.

Broă 18:8

Tŭ hơ̆ Krispus la cau at bồ hìu jum cau Juda, bal mơ jơh hìu nhă khai dòn Yàng; kung gơs oă cau Kôrintô kơno Pol bơto gen dòn, mơ gơs ƀaptem.

Broă 19:5

Tòm tŭ kơno ală jơnau hơ̆ gen bol khai geh lơh ƀaptem tòm sơnđan Yàng Jesu.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 20:25

Mơ tŭ do, añ git lah jơh ală oh mi la cau mơ añ neh bơto yal bơh lơgar Yàng Tom Trồ, gen ò gơs dô nă lơi rơp gŏ mat añ tai.

Broă 28:31

bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Broă 5:14

Ntum cau dòn Yàng sơlo ngai sơlo gơbơtơl oă tai, cau ùr cau klau gal ngan,

Broă 8:4

Behơ̆ ală cau neh dô nrah nring hơ̆ lòt bơh tiah do tus hơ tiah ndai, bơto yal jơnau Yàng.

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

I Kôrintô 11:11

Bulah behơ̆, tòm Yàng gen cau ùr pal càng cau klau; cau klau kung pal càng cau ùr.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,