Broă 7:52 - Sră Goh 2018

⁵² Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Broă 7:52 ပူးပေါင်းရင်းမြစ်များ

I Ală Bơtau 19:10

Khai ho lah: “Añ neh jơh nùs, ngac ngar bơh Jehôwa Yàng Tom Trồ Gơnap Gơnoar Dờng Làm Jơh; bơh làng bol Israel neh sang lòi bơta ho bal Kơnràñ dê, phà tơrlah ală cơnòng duh khoai Kơnràñ dê, mơ tơnchơt ală cau gơnoar hwơr Kơnràñ dê mơ đào; mìng dô nă añ gam wơl, mơ bol khai kung jòi bơta kis añ nàng tơnchơt.”

I Ală Bơtau 19:14

Khai ho lah: “Añ neh jơh nùs ngac ngar bơh Jehôwa Yàng Tom Trồ Gơnap Gơnoar Dờng Làm Jơh dê, bơh làng bol Israel neh sang lòi bơta ho bal Kơnràñ dê, phà tơrlah ală cơnòng duh khoai Kơnràñ dê, tơnchơt ală cau gơnoar hwơr Kơnràñ dê mơ đào, mìng dô nă añ gam wơl, mơ bol khai kung jòi bơta kis añ nàng tơnchơt.”

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 20:2

Gen Pasur pù lơh cau gơnoar hwơr Jeremi, tơndò gơsàng jơng di tiah Mpồng Hơđang Benjamin, gơrê bal mơ hìu Yàng Jehôwa dê.

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 26:23

cèng Uria bơh Ejiptơ rê wơl hơ bơtau Jehôyakim. Bơtau sồr ngui đào sreh tơnchơt khai mơ cơm ƀồc khai tòm bơtô ƀồc cau òs dê.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”

Luka 6:23

Tòm ngai hơ̆ hòn chò sơnđoh ñchừn tĕ, bơh phan ƀàn bol mê hơđang trồ la dờng; bơh ồng pàng bol khai kung lơh behơ̆ sơl gơwèt mơ ală cau gơnoar hwơr.

Jang 16:10

Bơh bơta song ring, tài bơh Añ rê wơl hơ Bèp, mơ bol mê ò gŏ Añ tai:

Broă 2:23

Yàng Jesu neh kòl bơtào jat bơta lơh nền mơ bơta git lài Yàng Tom Trồ dê, mơ ală oh mi neh jồm tê cau iơh bơsak nàng pơng Yàng Jesu hơđang chi pơng mơ tơnchơt tơn.

Broă 22:14

Khai đơs mơ añ lah: ‘Yàng Tom Trồ ồng pàng bol he dê neh sac rwah bi in git nùs kòñ Kơnràñ dê, gŏ dĭ gơna Song Ring Kơnràñ dê, mơ kơno jơnau đơs bơh di bơr Kơnràñ.

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.

Broă 3:24

Jơh ală cau gơnoar hwơr neh đơs, bơh Samuel tus di ală cau tơrbŏ jat khai, tòm tŭ đơs hwơr kung neh bơto yal bơh ală ngai do sơl.

Broă 4:10

behơ̆ jơh ală ồng mơ jơh làng bol Israel git tĕ lah hơ̆ la ai sơnđan Yàng Jesu Krist Cau Nasaret mơ ală ồng neh pơng di chi pơng mơ Yàng Tom Trồ neh lơh kis wơl bơh bơta chơt, hơ̆ la kơnòm di Bơtau hơ̆ tàng cau do geh pràn kơldang tŭ do ơm ntào di đap ală ồng.

I Tesalônika 2:15

Cau Juda la cau neh tơnchơt Yàng Jesu bal mơ ală cau gơnoar hwơr, ting bơtrơh bol hi, ò niam nùs Yàng Tom Trồ mơ sòdră di jơh ală cau.

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: