Broă 7:5 - Sră Goh 2018

⁵ Kơnràñ ò ai khai in dô êt lơi sre brê tòm tiah do, dô pet ù ơn jơng kung ò gơs sơl, mơya Kơnràñ ho ai tiah do lơh gơs sre brê tòm khai in mơ jơi bơtiàn khai in sơl, bulah tòm tŭ hơ̆ khai òhềt gơs kòn.

Broă 7:5 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 16:2

Sarai đơs mơ Abram lah: “Do, Yàng Jehôwa neh lơh añ in kơnền, behơ̆ dan mê ơm bal mơ dĭ ùr añ jê, digơlan bơh khai añ rơp geh kòn.” Gen Abram iat jơnau Sarai dê.

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 23:4

“Añ la cau bơdìh ơm ing tòm ù bol mê, dan ai añ in dô bă tiah tơp ƀồc tòm lơgar bol mê nàng añ tơp cau chơt añ jê.”

Sơnròp Gơlik Gơs 26:3

Ơm ing tòm lơgar do, Añ rơp ơm mơ mê, ai lơngai mê in, mơ Añ rơp ai mê mơ jơi bơtiàn mê in jơh ală lơgar do, mơ rơp gơlik tòm toh be jơnau Añ neh ho bal mơ Abraham bèp mê.

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Yal Wơl 10:11

Kơnràñ đơs mơ añ lah: “Lòt tĕ mơ tề lam làng bol tòm gùng dà bol khai dê tồ bol khai rgơi mut mơ dòp geh lơgar mơ Añ neh srat să ho nền mơ ală ồng pàng bol khai dê ai bol khai in.”

Yal Wơl 11:9

tồ bol mê rgơi kis jŏ tòm lơgar mơ Yàng Jehôwa neh srat să mơ ală ồng pàng bol mê dê, ai bol khai in mơ ală kòn sau bol khai in; hơ̆ la dô nơm lơgar hòr lik dà toh mơ dà lơwe.

Yal Wơl 2:5

Bañ bơrcek bol khai tòmlơh, bơh Añ ò ai bol mê in ù tiah lơi bol khai dê, bulah dô pet dềt tơl ơn dô mpàng jơng kung ò sơl. Añ neh ai Esau in mơnơm Seir lơh gơs lơgar tòm khai dê.

Yal Wơl 34:4

Lồc behơ̆ Yàng Jehôwa đơs mơ khai lah: “Hơ̆ la lơgar mơ Añ neh srat să ho mơ Abraham, Isak mơ Jakôp tòm tŭ Añ đơs lah: ‘Añ rơp ai gơ ală kòn sau mê in.’ Añ neh lòi mê sền gŏ gơ mơ mat tòm mê dê, mơya mê rơp ò lòt gan mơ mut tòm hơ̆.”

Yal Wơl 9:5

Hơ̆ ò di la tài bơh bơta song ring hala bơta song ngan bol mê dê mơ bol mê rơp dòp geh lơgar bol khai dê; mơya hơ̆ la tài bơh bơta iơh bơsak ală làng bol do dê mơ Jehôwa Yàng Tom Trồ bol mê dê rơp ting bơtrơh bol khai bơh di đap bol mê, nàng lơh gơlik gơs jơnau mơ Kơnràñ neh srat să ho mơ ală ồng pàng bol mê dê la Abraham, Isak mơ Jakôp.