Broă 7:43 - Sră Goh 2018

⁴³ Bol mê tùng wơl sàl duh khoai Molok dê, Mơ sơmañ yàng Remphan dê, Hơ̆ la ală rùp ràk mơ bol mê neh lơh gơs nàng duh khoai. Tài behơ̆, Añ kung rơp cèng bol mê hơ đah ne lơgar Babilôn sơl.’

Broă 7:43 ပူးပေါင်းရင်းမြစ်များ

I Ală Bơtau 11:7

Gen Salômôn bơt bơtào dô bă tiah jơnhoa Kemôs in la yàng ngkòr ngkàc cau Môap dê; mơ bơt yàng Molok la yàng ngkòr ngkàc cau Ammôn dê, hơđang mơnơm đah mattơngai lik Jerusalem dê.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

II Ală Bơtau 18:11

Bơtau Asiri cèng cau Israel tus hơ Asiri, ơn bol khai ơm tòm Halah hơđang Habo, hiòng Gôjan, mơ tòm ală ƀòn dờng Medi dê;

II Ală Bơtau 21:6

Chu kòn klau he tòm ồs nàng duh khoai, bơtê ngui crìu, sền dà; bơtào ală cau gru bơjơu. Khai lơh bơta iơh di đap Yàng Jehôwa oă ngan, bơrcek bơta gơjrañ Kơnràñ sùm.

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Amôs 5:25

Ơ hìu Israel, bol mê neh cèng Añ in ală phan ơn duh khoai mơ ală phan ơn tòm poan jơt nam tòm ƀlàng ngềt ngơt sơl ơ?