Broă 7:34 - Sră Goh 2018

³⁴ Ngan Añ neh sền gŏ bơta bòl glar làng bol Añ jê tòm lơgar Ejiptơ, Añ neh kơno jơnau rac ròc bol khai dê, gen Añ mù nàng dong tă bol khai. Tŭ do mê lòt tus tĕ, Añ rơp sồr mê lòt hơ lơgar Ejiptơ.’

Broă 7:34 ပူးပေါင်းရင်းမြစ်များ

Sơnròp Gơlik Gơs 11:5

Chòp Yàng Jehôwa mù nàng sền gŏ ƀòn mơ gơlang jơnhoa mơ kòn sau kòn mơnus dê neh bơt.

Sơnròp Gơlik Gơs 11:7

Behơ̆, Bol He mù lă, nàng lơh sơlồng sơlàng jơnau đơs bol khai dê, nàng bol khai in ò tòm wă jơnau đơs cau do mơ cau ne.”

Sơnròp Gơlik Gơs 18:21

gen tàng Añ kòñ mù nàng sền dilah ƀòn hơ̆ lơh ngan be jơnau neh hòi tus hơ Añ, dilah ò ngan gen Añ rơp git.”

Nehemi 9:9

Kơnràñ neh gŏ bơta bòl glar mò pàng bol he dê tòm lơgar Ejiptơ, mơ neh kơno ală jơnau driau nggà bol khai dê di gah Dàlềng Pơrhê,

Đơs Crih 105:26

Kơnràñ sồr Môise la cau duh broă Kơnràñ dê, Mơ Arôn la cau Kơnràñ neh sac rwah.

Đơs Crih 106:44

Bulah behơ̆, tòm tŭ Kơnràñ kơno jơnau hòi dan bol khai dê, Gen Kơnràñ wèt sền bol khai tòm bơta jê sồt bòl glar bol khai dê.

Đơs Crih 144:5

Ơ Yàng Jehôwa, dan tơnliah ală tap trồ mơ mù, Tup di ală mơnơm, gen gơ rơp gơlik ñhŭ.

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Lik Ejiptơ 4:31

mơ bol khai dòn. Mơ tòm tŭ bol khai neh kơno lah Yàng Jehôwa neh wèt sền bol khai, mơ neh gŏ bơta dồn sa bol khai dê; bol khai kun bồ mơ duh khoai.

Esai 64:1

Ơ hơh! Kơp kòñ Kơnràñ crè ală tap trồ mơ mù, bơh hơ̆ ală mơnơm gơlơnggơr di đap Kơnràñ!

Sră Ôse 12:13

Jakôp dô tus tòm lơgar Aram; Israel ơm duh broă nàng geh bau, mơ ê belàt nàng geh bau ùr.

Mice 6:4

Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Khà Làng Bol 11:17

Añ rơp mù tus mơ tòmbơhbơr mơ mê tềng hơ̆, mơ Añ rơp ai Hwềng neh ơm hơđang mê mơ ơn Hwềng hơ̆ hơđang bol khai. Bol khai rơp dong kòl mê àñ ơnòng kơnjơ̆ làng bol dê tồ mê rơp ò àñ ơnòng is mìng dô nă mê lơm.

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 6:38

Tài bơh Añ bơh đang trồ mù, ò di nàng lơh jat nùs kòñ Añ, mơya lơh jat nùs kòñ Bơtau neh sồr Añ lòt tus.

Ală Kwang Cahrña 2:18

Tŭ lơi Yàng Jehôwa bơtào tơngguh bol khai in dô nă cau kwang cahrña, Kơnràñ ơm bal mơ cau kwang cahrña hơ̆ tòm jơh rài kis khai dê nàng dong Israel lik bơh di tê cau sò tơm bol khai dê; bơh Yàng Jehôwa gơs nùs nđàc sơngit di bol khai tòm tŭ bol khai rơnđơh, bơh ală cau kup kơryan mơ rồn bơklơn bol khai.