Broă 6:9 - Sră Goh 2018

⁹ Tŭ hơ̆ gơs mpồl cau tòm hìu jum sơnđan la hìu jum bơnòr khat gơboh dê, bal mơ cau Siren mơ cau Aleksandria dê, mơ ală cau Juda ơm tòm lơgar Silisi mơ lơgar Asi, ntào pơndang mơ Etien.

Broă 6:9 ပူးပေါင်းရင်းမြစ်များ

Mathiơ 10:17

Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum.

Mathiơ 23:34

Gen tàng, Añ sồr ală cau gơnoar hwơr, ală cau jak chài, mơ ală cau bơto bơta boh lam tus hơ bol mê; gen cau ƀà bol mê rơp tơnchơt mơ pơng hơđang chi pơng, cau ndai bol mê rơp pù lơh tòm hìu jum, mơ kup kơryan bol khai bơh ƀòn dờng do tus ƀòn dờng ne.

Mathiơ 27:32

Tòm tŭ lik lòt, bol khai tìp dô nă cau Siren sơnđan la Simôn, mơ kup bơklơn khai tui chi pơng Kơnràñ dê.

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Broă 11:20

Bulah behơ̆, tòm mpồl ală cau hơ̆ gơs cau ƀà ơm tòm Ciprus mơ Siren lòt tus hơ Antiôt, kung bơto Jơnau Niam cau Grek in sơl, mơ bơto yal bơh Yàng la Yàng Jesu bol khai in.

Broă 13:1

Tòm Hìu Jum Goh Antiôt gơs ală cau gơnoar hwơr mơ ală cau bơto; hơ̆ la Banaba, Simeôn sơnđan la Nije, Lusius cau Siren, Manahen la oh ròng Herôt bơtau oh dê, mơ Sol sơl.

Broă 13:45

Mơya tòm tŭ gŏ mpồl làng bol oă gen ală cau Juda gơs bềng nùs ƀoah gơjrañ, tòmdră mơ jơnau bơto Pol dê mơ srat rma.

Broă 15:23

Bal mơ sră pơyoa be tơnơ̆ do: “Bol hi, la cau gơnoar bơto dờng mơ ală cau kwang kra, mơ oh mi, oh mi dê pơyoa jơnau còp să ală oh mi cau làng bol bơdìh tòm Antiôt, Siri mơ Silisi.

Broă 15:41

Pol lòt làm jơh Siri mơ Silisi, lơh ală Hìu Jum Goh in geh kơ̆ nền mơ pràn kơldang.

Broă 16:6

Bol khai lòt làm kơnhwàl Phriji mơ Galati, tài bơh Yàng Hwềng Goh neh bơkơŭ bol khai bơto yal jơnau Yàng tòm Asia.

Broă 18:24

Tŭ hơ̆, gơs dô nă cau Juda sơnđan la Apôlôs, ƀòn tòm khai la Aleksandria lòt tus hơ Ephesô; khai la cau đơs jak mơ git wă Sră Goh sơl.

Broă 19:10

Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.

Broă 19:26

Ală oh mi gŏ mơ kơno lah ò di mìng tòm Ephesô lơm ò, mơya kung mòr jơh kơnhwàl Asia sơl, Pol do neh bơchồt mơ lơh pơrlơ̆ nùs oă cau, mơ đơs lah ală yàng bơh tê cau lơh gơs gen ò di la yàng.

Broă 21:27

Tòm tŭ poh ngai hơ̆ mòr tơl, ală cau Juda tus bơh kơnhwàl Asia gŏ Pol tòm hìu duh khoai, gen chồl bơchồt jơh mpồl làng bol lơh nggồr nggàc, ai tê sơmbat kup khai,

Broă 21:39

Pol ho lah: “Añ la cau Juda, deh tòm Tarsơ gơrê bal mơ Silisi, cau làng tòm, tòm dô nơm ƀòn dờng dờng màng dê. Dan ai gơnoar añ in đơs mơ làng bol.”

Broă 22:19

Añ ho lah: ‘Ơ Yàng, să tòm bol khai git añ neh kup jàm ală cau dòn Yàng mơ pù lơh bol khai tòm ală hìu jum cau Juda sơl.

Broă 22:3

“Añ la cau Juda, deh tòm Tarsơ kơnhwàl Silisi, mơya añ geh ròng siam tòm ƀòn dờng Jerusalem, la cau bơtê Gamaliel dê, jat dô bă kràñ cê bơta boh lam ồng pàng bol he dê, mơ gơs nùs ngac ngar gơwèt hơ Yàng Tom Trồ, kung be jơh ală ồng tòm ngai do sơl.

Broă 23:34

Neh sir cau kwang đơng lơgar sền sră pơyoa rau, gen lùp Pol la cau bơh kơnhwàl lơi. Tòm tŭ neh git khai la cau Silisi,

Broă 24:18

Bol khai gŏ añ tòm tŭ neh lơh sir bơta rào goh tòm hìu duh khoai, añ ò pơjum tơrgòm mpồl làng bol hala ò lơh sơlồng sơlàng.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

Galati 1:21

Tơnơ̆ tai añ lòt tơn tòm ală kơnhwàl lơgar Siri mơ Silisi.