Broă 6:7 - Sră Goh 2018

⁷ Jơnau Yàng Tom Trồ dê sơlo ngai sơlo gơ lòt ơnàng, khà cau bơtê tòm Jerusalem sơlo gơbơtơl oă ngan; kung gơs oă cau gơnoar ơn phan duh khoai dòn dòp Yàng sơl.

Broă 6:7 ပူးပေါင်းရင်းမြစ်များ

II Yal Yau 29:34

Bulah behơ̆, ntum khà ală cau gơnoar ơn phan duh khoai la dô êt, ò tơl nàng klò gơltau jơh ală phan ơn chu pơrguc; behơ̆ cau gơp bơtiàn bol khai dê la cau Lebi dong kòl bol khai jơl tus di tŭ lơh sir broă hơ̆, mơ jơl tus di tŭ ală cau gơnoar ơn phan duh khoai ndai geh ơn is sàng goh, bơh tòm bơta ơn is să tòm bol khai sàng goh, gen ală cau Lebi jơh nùs lơh sàng goh să he rlau mơ ală cau gơnoar ơn phan duh khoai.

II Yal Yau 30:24

Ejekia bơtau Juda ai mpồl jơnum in dô rbô nơm kơnrồ dam mơ poh rbô nơm belàt ơn phan pơdơng, mơ ală cau kwang cau bơtau dê ai mpồl jơnum in dô rbô kơnrồ dam mơ jơt rbô belàt. Dô ntum khà dờng ală cau gơnoar ơn phan duh khoai ơn is sàng goh să tòm bol khai dê.

Đơs Crih 132:16

Añ rơp ai bơta dong klàs mơ tơnsoh ală cau gơnoar ơn phan duh khoai gơ in, Mơ ală cau dòn song gơ dê rơp driau bơh hòn chò.

Đơs Crih 132:9

Lòi ală cau gơnoar ơn phan duh khoai Yàng dê geh soh mơ bơta song ring, Mơ lòi ală cau dòn song Kơnràñ dê driau bơh hòn chò.

Mathiơ 19:30

Mơya gơs oă cau sơnròp rơp gơs lồi dut mơ cau lồi dut rơp gơs sơnròp.”

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Jang 12:42

Bulah behơ̆, tòm ală cau kwang gơs oă cau dòn Kơnràñ; mơya tài bơh ală cau Pharisi gen tàng bol khai ò khin yal tơlik Kơnràñ, rngòt kòl bơtrơh tơlik bơh hìu jum,

Broă 12:24

Tŭ hơ̆, jơnau Yàng Tom Trồ kư̆ pò ơnàng mơ gơbơtơl tai sơlo ngai sơlo bơtào tơngguh.

Broă 13:8

Mơya cau bơjơu hơ̆ sơnđan jơnau Grek la Elimas, tòmdră mơ bàr nă bol hơ̆, jòi bơta kơryan cau kwang đơng lơgar dòn Yàng.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 19:20

Behơ̆, kơnòm gơnap gơnoar Yàng dê, jơnau Yàng kư̆ geh ntoat tơngguh mơ sơlo ngai sơlo kơ̆ nền.

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

Broă 21:20

Tòm tŭ kơno rau, gen bol khai jòng ro Yàng Tom Trồ, mơ đơs mơ Pol lah: “Ơ bi, bi rgơi gŏ ò git nđò rbô nă cau Juda neh dòn jat, mơ jơh tơl nă bol khai ngac ngar ngan bơh bơta boh lam.

Broă 6:1

Tòm tŭ hơ̆, khà cau bơtê sơlo gơbơtơl oă tai, ală cau Juda đơs jơnau Grek yoam cau Juda đơs jơnau Aram, bơh ală cau ùr bơnrau bol khai dê neh kòl cau sang lòi tòm bơta pà phan kòp ngai.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

Galati 1:23

Bol khai mìng kơno lah: “Cau neh kup kơryan bol he lài òr, tŭ do bơto yal jơnau niam la jơnau lài òr khai neh jơh nùs tơnroh.”

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

Jude 1:20

Mơya, ơ ală oh mi kòñ gơboh, oh mi bơt bơtào tĕ să tòm oh mi hơđang bơta dòn sàng goh ngan oh mi dê, kơnòm di Yàng Hwềng Goh mơ hòi dan.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.