Broă 5:5 - Sră Goh 2018

⁵ Dơ̆ Anania kơno ală jơnau đơs hơ̆, gen gơplơ̆ chơt; jơh tơl nă cau kơno jơnau hơ̆ gen rngòt oă ngan.

Broă 5:5 ပူးပေါင်းရင်းမြစ်များ

II Ală Bơtau 2:24

Khai wơlke mơ gŏ kơnòm hơ̆, mơ khai srat rma ală kơnòm hơ̆ tòm sơnđan Yàng Jehôwa. Gen gơs bàr nơm jơgơu me lik bơh brê, kap crè poan jơt bàr nă kơnòm klau.

I Yal Yau 13:12

Tòm ngai hơ̆, Dabit rngòt di Yàng Tom Trồ mơ đơs lah: “Mbe añ rgơi cèng Đài Bơta Ho Bal Yàng Tom Trồ dê tus nàng añ in sền gàr taih?”

I Yal Yau 15:13

Tài bơh bol mê ò cèng gơ tus tòm dơ̆ sơnròp, gen tàng Jehôwa Yàng Tom Trồ bol he dê neh gơhào gơjrañ di bol he, tài bơh bol he ò sền gàr gơ dô bă di pal.”

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 64:9

Gen jơh ală cau rơp rngòt; Bol khai rơp yal tơlik broă lơh Yàng Tom Trồ dê, Mơ kơlôi sơnơng bơh broă Kơnràñ neh lơh.

Jeremi 5:14

Gen tàng, Jehôwa Yàng Tom Trồ Gơnap Gơnoar đơs be do: “Tài bơh bol khai neh đơs jơnau do, Tŭ do, Añ rơp lơh jơnau Añ jê kung be ồs tòm bơr mê, Làng bol do rơp kung be lòng, mơ ồs hơ̆ rơp sa pơrguc bol khai.”

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Broă 13:11

Tŭ do tê Yàng lơh glài mê, mê rơp jơngo, ò gŏ mattơngai tòm dô pah tŭ.” Tŭ hơ̆ mo, bơta klam jơngo dùh hơđang Elimas, khai tơbư gùt dar, jòi cau tề khai lòt.

Broă 2:43

Kòp nă cau duh rngòt lơm, ală cau gơnoar bơto dờng lơh oă bơta krơi mơ tềl is.

Broă 5:13

Ò gơs dô nă cau ndai lơi khin mut bal tòm mpồl bol khai, mơya làng bol gen sền dờng màng ngan di bol khai.

I Kôrintô 4:21

Ñchi ală oh mi kòñ taih? Kòñ añ ai gai mơ tus, hala ai bơta kòñ gơboh mơ nùs niam lơnhơn mơ tus hơ oh mi taih?

II Kôrintô 13:10

Tài bơh hơ̆, tŭ añ neh ngkòi mat añ neh cih ală bơta do, nàng dơ̆ añ tòm mat ò càng lơh kràñ cê, jat be gơnoar Yàng ai añ in nàng bơt bơtào, ò di nàng sòr tơrlah.

II Kôrintô 13:2

Bơta hơ̆ añ neh đơs rau, tŭ do añ đơs dô dơ̆ tai, bulah ngai do añ neh ngkòi mat mơya ò gơkrơi be tŭ añ ơm mơ oh mi tòm dơ̆ bàr: Añ yal mơ cau lài òr neh tìs glài, mơ jơh ală cau ndai in lah dilah añ tus tai, gen ngan ò kong ơt tai,

II Kôrintô 7:11

Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

Yal Wơl 13:11

Gen jơh Israel rơp kơno mơ rngòt, mơ ò gơs dô nă cau lơi digùl bol mê rơp lơh dô bơta iơh behơ̆ tai.

Yal Wơl 21:21

Gen jơh ală cau klau tòm ƀòn dờng khai dê rơp cơm lŭ tơnchơt khai. Bol mê pal tă sang bơta iơh bơsak bơh digùl bol mê. Jơh Israel rơp kơno bơta hơ̆ mơ rngòt.”

Jôsue 22:20

Ò di Akan kòn klau Jerah neh ò dòn song gơwèt mơ phan pal phi ơn, mơ bơta gơjrañ dờng Yàng Jehôwa dê neh dùh hơđang mpồl jơnum Israel dê ò ơ? Mơ ò di mìng dô nă khai neh kong chơt tài bơh tồi glài khai dê ò!’”

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Yal Tơlik 11:5

Dilah cau lơi kòñ lơh iơh dê bol khai, gen ồs lik bơh bơr bol khai sa pơrguc ală cau sò tơm di bol khai; dilah cau lơi kòñ lơh iơh di bol khai gen pal kong tơnchơt behơ̆.