Broă 5:3 - Sră Goh 2018

³ Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Broă 5:3 ပူးပေါင်းရင်းမြစ်များ

Sră Jop 22:13

Gen tàng ồng đơs: ‘Ñchi bơta Yàng Tom Trồ git taih? Kơnràñ rgơi cahrña gan di bơta klam jơngo sơl ơ?

Jơnau Pơnđik 20:25

Đơs dô bă sơrbac sơrbang lah: “Phan do la phan goh!” Mơ tơnơ̆ mơ tŭ neh ho pơgon rau, gen kơlôi sơnơng wơl, hơ̆ ngan la dô nơm dă cau in.

Cau Bơto 5:4

Tòm tŭ mê lơh bơta ho pơgon mơ Yàng Tom Trồ, bañ lơh òbat tơm wơl; bơh Kơnràñ ò niam nùs di cau bơrngơl gơla: behơ̆, lơh tĕ wil tơl ală bơta mê neh ho pơgon.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Khà Làng Bol 30:2

Tòm tŭ dô nă cau klau gơs dô jơnau ho pơgon mơ Yàng Jehôwa, hala srat să tòmkơt să khai tòm dô jơnau ho nền, gen khai ò rgơi sang lòi jơnau đơs khai dê, mơya khai pal lơh jat jơh ală jơnau khai neh đơs.

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Luka 22:3

Tŭ hơ̆, cà Satan neh mut tòm nùs Juda sơnđan la Iskariôt, la dô nă tòm jơt bàr nă cau bơtê.

Jang 13:2

Tòm tŭ sào mho, cà ràk neh ơn bơta pơrlơ̆ dră di Kơnràñ tòm nùs Juda Iskariôt, kòn Simôn dê.

Jang 13:27

Tơnơ̆ mơ tŭ Juda neh dòp pet piang lă rau, gen cà Satan mut tòm nùs khai. Behơ̆ Yàng Jesu đơs mơ khai lah: “Bơta mê lơh, lơh tĕ mhar.”

Broă 5:2

Khai dô nùs mơ bau ùr, prap wơl dô pơnah jền tac sre hơ̆; ai pơnah jền gam, gen cèng ơn di jơng ală cau gơnoar bơto dờng.

Broă 5:4

Tòm tŭ òhềt tac sre hơ̆ gen ò di la sre mê dê ò ơ? Tŭ neh tac rau, gen jền tac hơ̆ ò di ơm tòm gơnoar mê dê ò ơ? Ñchi bơh tài mê neh lơh nền jơnau hơ̆ tòm nùs mê dê taih? Jơnau hơ̆ ò di mê đơs blac mơ kòn mơnus, mơya mê đơs blac mơ Yàng Tom Trồ.”

Broă 5:9

Pier đơs mơ khai lah: “Ñchi bơh tài bol ai dô nùs bal nàng lòng Hwềng Goh Yàng dê behơ̆ taih? Ne, jơng cau lòt tơp bau klau ai neh rê tus di bơr mpồng, bol khai rơp cèng ai sơl.”

Yal Wơl 23:21

Dilah bol mê srat să ho nền dô jơnau lơi mơ Jehôwa Yàng Tom Trồ bol mê dê, gen bañ lơh òbat tơm wơl, bơh ngan la Jehôwa Yàng Tom Trồ bol mê dê rơp lùp bơta hơ̆ bơh di bol mê mơ bol mê gơkòl tòm bơta tìs glài.

Jakơ 4:7

Behơ̆ dòn duh tĕ Yàng Tom Trồ. Tòmdră tĕ mơ cà ràk, gen gơ rơp pleh ngài di oh mi.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.