Broă 5:20 - Sră Goh 2018

²⁰ “Lòt tĕ, mơ ntào tòm hìu duh khoai nàng bơto yal làng bol in jơh ală jơnau bơta kis do dê.”

Broă 5:20 ပူးပေါင်းရင်းမြစ်များ

Lik Ejiptơ 24:3

Tòm tŭ Môise lòt tus yal làng bol in jơh ală jơnau đơs mơ ală bơta boh lam Yàng Jehôwa dê, gen bol khai ho dô jơnau bal lah: “Bol hi rơp lơh jat jơh ală jơnau Yàng Jehôwa neh đơs.”

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Jeremi 36:10

Gen Baruk sền jơh làng bol in iat ală jơnau Jeremi bơh tòm dap sră, tòm hìu Yàng Jehôwa, tòm ơdŭ Gemaria, kòn klau Saphan cau gơnoar cih, tòm rơng hìu hơđang, di gùng mut Mpồng Pa hìu Yàng Jehôwa dê.

Jeremi 7:2

“Ntào tĕ di đap mpồng hìu Yàng Jehôwa, mơ tềng hơ̆ yal tơlik tĕ jơnau do mơ đơs lah: ‘Iat tĕ jơnau Yàng Jehôwa dê, ơ jơh tơl nă bol mê la cau Juda, la ală cau mut bơh mpồng do nàng duh khoai Yàng Jehôwa.

Ejekiel 33:7

Behơ̆ mê, ơ kòn mơnus, Añ neh bơtào mê lơh gơs cau drơng kơp gàr hìu Israel in; behơ̆ tòm tŭ mê kơno dô jơnau bơh di bơr Añ jê, mê rơp yal tơnggit lài bol khai in jơnau Añ jê.

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Jang 12:50

Añ git lah gơnoar sồr Kơnràñ dê la bơta kis gam sùm sùm. Behơ̆, ală jơnau Añ đơs, gen Añ đơs tòm toh be Bèp neh nting sồr.”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 18:20

Yàng Jesu ho lah: “Añ neh đơs loh làng mơ dunnia, Añ òs bơto sồr sùm tòm hìu jum mơ tòm hìu duh khoai, la tiah jơh ală cau Juda pơjum, Añ ò đơs bơta lơi ndơp ndơr ò.

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

Broă 11:14

Khai rơp yal mê in ală jơnau nàng kơnòm tềng hơ̆ mê mơ jơh hìu nhă mê rơp geh dong klàs.’

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.