Broă 5:11 - Sră Goh 2018

¹¹ Jơh Hìu Jum Goh, mơ jơh ală cau kơno yal bơh broă hơ̆ kung rngòt rngơt ngan.

Broă 5:11 ပူးပေါင်းရင်းမြစ်များ

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Broă 19:17

Jơh tơl nă cau Juda mơ cau Grek ơm tòm Ephesô git broă hơ̆, gen rngòt rngơt; mơ sơnđan Yàng Jesu dê sơlo geh jòng ro.

Broă 2:43

Kòp nă cau duh rngòt lơm, ală cau gơnoar bơto dờng lơh oă bơta krơi mơ tềl is.

Broă 5:5

Dơ̆ Anania kơno ală jơnau đơs hơ̆, gen gơplơ̆ chơt; jơh tơl nă cau kơno jơnau hơ̆ gen rngòt oă ngan.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”