Broă 4:31 - Sră Goh 2018

³¹ Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 4:31 ပူးပေါင်းရင်းမြစ်များ

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Mathiơ 21:22

Tòm tŭ hòi dan, dilah dòn gen ngan rơp dòp geh jơh ală bơta bol mê dan.”

Jang 14:12

Di ngan, di ngan, Añ đơs mơ bol mê, cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Broă 14:3

Bulah behơ̆, Pol mơ Banaba ơm wơl tềng hơ̆ jŏ ngai, mơ bơto yal bơh Yàng dô bă khin cha, mơ Yàng ngui tê bol khai lơh gơs ală bơta krơi tềl is, nàng lơh cơng di ngan jơnau bơta nđàc Kơnràñ dê.

Broă 2:1

Tus di ngai pơjum sa Ngai Pram Jơt, ală cau bơtê pơjum bal dô bă.

Broă 2:2

Nisơna, gơs ntas bơh đang trồ tus be ntas càl khồm ur ur bềng jơh dô nơm hìu bol khai ơm nggui.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 4:29

Tŭ do dan Yàng sền ală jơnau pơhìn bol khai dê, mơ ai ală dĭ gơna Kơnràñ in bơto yal jơnau Kơnràñ dê dô bă khin cha.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.