Broă 4:30 - Sră Goh 2018

³⁰ Dan Kơnràñ pò tơlik tê nàng sơmbòi, mơ lơh ală bơta krơi tềl is bơh sơnđan Cau Duh Broă sàng goh Kơnràñ dê la Yàng Jesu.”

Broă 4:30 ပူးပေါင်းရင်းမြစ်များ

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Jeremi 15:15

Ơ Yàng Jehôwa! Kơnràñ git. Dan kah añ mơ còp añ, mơ cèng wơl bơta sal tê añ in hơđang ală kup kơryan añ. Tòm bơta kong ơt Kơnràñ dê bañ cèng añ ngài; Dan git lah añ bơh Kơnràñ mơ kong jê sồt bơrsèl tơnhial.

Jang 4:48

Yàng Jesu đơs mơ cau kwang hơ̆ lah: “Dilah bol mê ò gŏ tềl is mơ bơta krơi gen bol mê ò dòn ò!”

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Broă 2:43

Kòp nă cau duh rngòt lơm, ală cau gơnoar bơto dờng lơh oă bơta krơi mơ tềl is.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Broă 3:16

Bơh bơta dòn tòm sơnđan Kơnràñ neh lơh cau do in pràn kơldang la cau ală oh mi gŏ mơ git; bơh sơnđan Kơnràñ mơ bơta dòn di Yàng Jesu neh lơh cau do in geh bơta pràn kơldang wil tơl be jơh ală oh mi neh gŏ.

Broă 3:6

Mơya Pier đơs mơ khai lah: “Añ ò gơs dô êt lơi màh priă, mơya bơta añ gơs añ ai mê in: Ai sơnđan Yàng Jesu Krist Cau Nasaret, ntào lòt tĕ!”

Broă 4:10

behơ̆ jơh ală ồng mơ jơh làng bol Israel git tĕ lah hơ̆ la ai sơnđan Yàng Jesu Krist Cau Nasaret mơ ală ồng neh pơng di chi pơng mơ Yàng Tom Trồ neh lơh kis wơl bơh bơta chơt, hơ̆ la kơnòm di Bơtau hơ̆ tàng cau do geh pràn kơldang tŭ do ơm ntào di đap ală ồng.

Broă 4:27

Ngan behơ̆, Herôt mơ Bônsơ Pilat bal mơ ală làng bol bơdìh mơ làng bol Israel sơl, neh pơjum bal dô bă tòm ƀòn dờng do nàng tòmdră mơ Cau Duh Broă sàng goh Kơnràñ dê la Yàng Jesu, mơ Kơnràñ neh bong mơñà,

Broă 5:12

Oă bơta krơi tềl is geh lơh gơs digùl làng bol bơh tê ală cau gơnoar bơto dờng. Jơh ală cau dòn dô nùs bal pơjum di mpồng rơng Salômôn.

Broă 6:8

Etien bềng bơta nđàc mơ gơnap gơnoar bơh Yàng Tom Trồ lơh gơs bơta krơi mơ tềl is dờng ngan tòm làng bol.

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?