Broă 4:26 - Sră Goh 2018

²⁶ Ală bơtau tòm ù riap dô nùs tơngguh, Ală cau kwang pơjum bal dô bă, Nàng tòmdră mơ Yàng, mơ Bơtau neh geh bong mơñà Kơnràñ dê.’

Broă 4:26 ပူးပေါင်းရင်းမြစ်များ

Đơs Crih 2:1

Ñchi bơh tài ală lơgar kơlôi bơyai lơh iơh gơhào gơjrañ, Mơ ală làng bol rơndap tap sèng bơta roh lơm taih?

Đơs Crih 2:2

Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

Esai 7:7

Gen tàng Jehôwa Yàng Tom Trồ đơs be do: ‘Bơta hơ̆ ò gơlik gơs, bơta hơ̆ ò gơlik tus!

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Hebrơ 1:9

Kơnràñ kòñ gơboh di bơta song ring, gơjrañ kơuềng di bơta ò jat bơta boh lam. Gen tàng Yàng Tom Trồ, la Yàng Tom Trồ Kơnràñ dê, neh bong mơñà Kơnràñ in mơ mơñà bơta hòn chò, Rlau mơ ală gơp bơyô Kơnràñ dê.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 12:10

Gen añ kơno hơđang trồ gơs jơnau dờng đơs lah: “Tŭ do bơta dong klàs, gơnap gơnoar, lơgar Yàng Tom Trồ bol he dê, mơ gơnoar Bơtau Krist Kơnràñ dê neh tus, bơh cau yă wơn oh mi bol he dê neh kong sơrbì rau, hơ̆ la cau ngai mơ mang yă wơn bol khai di đap Yàng Tom Trồ bol he dê.

Yal Tơlik 17:17

Bơh Yàng Tom Trồ neh ơn bơta hơ̆ tòm nùs bol khai tồ lơh gơlik gơs jat bơta lơh nền Kơnràñ dê, tòm tŭ bol khai dô nùs bal jào gơnoar at bồ bol khai dê phan poan jơng in, jơl tus di tŭ ală jơnau Yàng Tom Trồ dê gơlik gơs di ngan.