Broă 4:20 - Sră Goh 2018

²⁰ Bơh bol hi ò rgơi ò đơs bơh ală bơta he neh gŏ mơ kơno.”

Broă 4:20 ပူးပေါင်းရင်းမြစ်များ

II Samuel 23:2

Hwềng Yàng Jehôwa dê neh kơnòm di añ mơ đơs; jơnau đơs Kơnràñ dê ơm di lơmpiat añ.

Jeremi 1:7

Mơ Yàng Jehôwa đơs tai: “Bañ đơs: Añ la kơnòm dềt; Bơh mê rơp lòt tus hơ ală cau lơi Añ sồr mê lòt, Mơ rơp đơs ală jơnau Añ sồr mê đơs.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 4:19

Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Ejekiel 3:11

Tŭ do lòt tĕ tus hơ ală cau làng bol mê dê neh kong kup cèng pơrdô mơ đơs mơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’ Bulah bol khai iat hala ò iat.”

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Khà Làng Bol 22:38

Balaam ho wơl lah: “Di rau, tŭ do añ neh tus hơ bơtau rau, mơya añ rgơi đơs khat gơboh sơl ơ? Añ pal đơs mìng ală jơnau Yàng Tom Trồ ơn tòm bơr añ lơm.”

Khà Làng Bol 23:20

Añ neh dòp dô jơnau gơnoar sồr nàng ai lơngai; Kơnràñ neh ai lơngai, mơ añ ò rgơi tòmgơl bơta hơ̆.

Luka 1:2

jat be ală cau bơh sơnròp neh gŏ nền mơ lơh cơng bal mơ ală cau duh broă jơnau Yàng dê yal wơl bol he in;

Broă 1:22

bơh di tŭ Jang lơh ƀaptem jơl tus di ngai Yàng Jesu guh rê hơđang trồ bơh digùl bol he, pal gơs dô nă cau lơh cơng bal mơ bol he bơh bơta kis wơl Kơnràñ dê.”

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 18:5

Tòm tŭ Sila mơ Timôthe tus bơh lơgar Masedoan, Pol ơn jơh tŭ tơngai khai dê nàng bơto yal jơnau Yàng dê, mơ lơh cơng bơh cau Juda in lah Yàng Jesu la Bơtau Krist.

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 22:15

Bơh bi rơp lơh gơs cau lơh cơng Kơnràñ in di đap jơh tơl nă cau bơh ală broă bi neh gŏ mơ kơno.

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Broă 5:32

Ai bol hi do la cau lơh cơng bơh ală broă hơ̆ bal mơ Yàng Hwềng Goh, mơ Yàng Tom Trồ neh ai cau lơi in lơh jat jơnau Kơnràñ dê.”