Broă 4:17 - Sră Goh 2018

¹⁷ Mơya bol he ai tĕ jơnau pơhìn bơkơŭ bol khai bañ ai tai sơnđan Yàng Jesu mơ bơto sồr cau lơi in, tồ geh klàs gơpơnro broă do tòm làng bol tai.”

Broă 4:17 ပူးပေါင်းရင်းမြစ်များ

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Amôs 2:12

“Mơya bol mê lơh ală cau Nasire in ñô tơrnòm, mơ ai jơnau sồr ală cau gơnoar hwơr lah: ‘Bol mê bañ đơs hwơr.’

Mathiơ 27:64

Behơ̆ dan sồr cau kơp gàr bơtô ƀồc nền cê jơl tus di ngai pe, rngòt ală cau bơtê Khai dê tus kơñau ƀồc mòn, gen đơs mơ làng bol lah: ‘Khai neh kis wơl bơh bơta chơt.’ Mơ bơta blac pơrlồm tơnơ̆ rơp iơh rlau mơ bơta lài sơl.”

Mathiơ 9:30

Mat bol khai gơ pò mo. Yàng Jesu ai jơnau kràñ cê đơs lah: “Bañ ai cau lơi in git.”

Jang 15:21

Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Broă 4:21

Tơnơ̆ mơ tŭ pơhìn tai Pier mơ Jang, lồc behơ̆ hồ bol khai in rê; gŏ ò rgơi lơh glài tài bơh làng bol, bơh jơh tơl nă jòng ro Yàng Tom Trồ bơh broă neh gơlik gơs.

Broă 5:24

Cau kwang sền gàr hìu duh khoai mơ ală cau gơnoar lam bồ ơn phan duh khoai kơno behơ̆, gen bol khai kơlôi ñchi bơta neh gơlik gơs mơ ală cau gơnoar bơto dờng.

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Ephesô 6:9

Ơ cau la cau tòm, gơwèt tĕ mơ bol khai dô bă behơ̆ sơl, bañ pơhìn bol khai, bơh git lah bol khai mơ oh mi gơs bal dô nă Cau tòm ơm hơđang trồ; Kơnràñ ò sền òsơp di cau lơi.

I Tesalônika 1:8

Bơh jơnau Yàng bơh oh mi neh gơpơnro ò di mìng tòm Masedoan mơ Acai lơm, mơya bơta dòn oh mi dê tòm Yàng Tom Trồ kung neh pơnro làm jơh ală tiah, tian gơs bol hi ò càng đơs jơnau lơi tai.

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.