Broă 4:13 - Sră Goh 2018

¹³ Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 4:13 ပူးပေါင်းရင်းမြစ်များ

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 26:71

Tòm tŭ khai tus hơ rơng hìu dờng, gơs dô nă cau dĭ ùr ndai gŏ khai, gen đơs mơ ală cau ơm tềng hơ̆ lah: “Cau do kung ơm bal mơ Jesu cau Nasaret sơl.”

Mathiơ 26:73

Dô ơthoa tai, ală cau ntào tềng hơ̆ tus đơs mơ Pier lah: “Ngan mê kung bal mơ mpồl hơ̆, bơh sap đơs mê yal tơlik mê.”

Luka 22:8

Yàng Jesu sồr Pier mơ Jang lah: “Lòt tĕ rcang yò sa bơta pơjum sa Lòt Gan bol he in.”

Jang 19:26

Yàng Jesu gŏ mè Kơnràñ, mơ cau bơtê Kơnràñ kòñ gơboh ntào rềp, gen đơs mơ mè lah: “Ơ mè, do la kòn mè dê!”

Jang 7:15

Ală cau Juda ai lơh krơi mơ đơs lah: “Cau do òhềt bơtê, mbe rgơi git oă ngan taih?”

Jang 7:49

Ai mpồl làng bol do ò git bơta boh lam do, ngan pal kòl srat rma!”

Broă 4:14

Mơ bơh gŏ cau neh geh sơmbòi hơ̆ ntào bal mơ bàr nă bol khai, behơ̆ tàng ală bol hơ̆ ò gơs gùng đơs.

Broă 4:19

Mơya Pier mơ Jang ho lah: “Ală ồng sền sơwì tĕ di đap Yàng Tom Trồ, lơh jat jơnau ală ồng dê hala lơh jat jơnau Yàng Tom Trồ dê?

Broă 4:29

Tŭ do dan Yàng sền ală jơnau pơhìn bol khai dê, mơ ai ală dĭ gơna Kơnràñ in bơto yal jơnau Kơnràñ dê dô bă khin cha.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 9:27

Mơya Banaba dong khai mơ lam tus hơ ală cau gơnoar bơto dờng, mơ yal wơl bol hơ̆ in git mbe lơi rò gùng khai neh gŏ Yàng tơlik să mơ Kơnràñ neh đơs mơ khai, mơ khai neh ai sơnđan Yàng Jesu mơ bơto yal dô bă khin cha tòm Damas.

Broă 9:28

Bơh di tŭ hơ̆, Sol lòt rê sùm bal mơ ală cau bơtê tòm Jerusalem,

I Kôrintô 1:27

Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,

I Kôrintô 14:25

Bơta ndơp ndơr tòm nùs bol khai geh ràng tơlik, gen bol khai rơp blup mat mơ duh khoai Yàng Tom Trồ mơ đơs lah: “Ngan gơs Yàng Tom Trồ digùl oh mi.”

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,