Broă 3:20 - Sră Goh 2018

²⁰ tồ tŭ tơngai lơngap lơngai tus bơh di Yàng, nàng Kơnràñ sồr Bơtau Krist lòt tus, hơ̆ la Yàng Jesu, la Bơtau neh geh sac rwah ală oh mi in.

Broă 3:20 ပူးပေါင်းရင်းမြစ်များ

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 24:3

Tòm tŭ Kơnràñ nggui hơđang mơnơm Ôlibe, ală cau bơtê tus lùp is Kơnràñ lah: “Dan yal bol hi in git tŭ lơi rơp gơs ală bơta hơ̆, mơ rơp gơs tềl sơnio lơi bơh bơta tus wơl Kơnràñ dê mơ ngai lồi dut rài do dê taih?”

Jơnau Niam Jat Mak 13:26

Tòm tŭ hơ̆ cau rơp gŏ Kòn Mơnus ai gơnap gơnoar dờng mơ bơta gơklŏ, ơm tòm mhwal mơ tus.

Luka 19:11

Tòm tŭ bol khai kơno ală jơnau hơ̆, gen Yàng Jesu đơs bơtơl dô jơnau pơnyơu tai, tài bơh Kơnràñ mòr tus rềp hơ Jerusalem, mơ bol khai tồnlah lơgar Yàng Tom Trồ rơp tơlik gơs mo.

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Broă 3:21

Bơtau hơ̆ pal geh ơm wơl hơđang trồ jơl tus di tŭ tơngai bơtào tơngguh wơl jơh ală phan, hơ̆ la bơta bơh yau òr mơ Yàng Tom Trồ neh kơnòm di bơr ală cau gơnoar hwơr sàng goh mơ đơs.

II Tesalônika 2:2

bañ lòi nùs kơlôi oh mi dê mhar lơnggơr, kung bañ dơrcul bơh hwềng lơi, hala bơh jơnau đơs, hala bơh sră pơyoa lơi gơlơh be bol hi neh pơyoa, mơ đơs lah ngai Yàng dê neh tus rau.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.