Broă 3:12 - Sră Goh 2018

¹² Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

Broă 3:12 ပူးပေါင်းရင်းမြစ်များ

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 41:16

Jôsep ho lah: “Hơ̆ ò di la bơh añ, mơya hơ̆ la bơh Yàng Tom Trồ ai kơnràñ in dô jơnau ho wơl hừh nùs.”

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Broă 3:11

Tòm tŭ cau hơ̆ ơm at di Pier mơ Jang, behơ̆ jơh làng bol ai lơh krơi ngan, ntoat ràn tus di bol khai hơ mpồng rơng sơnđan la Salômôn.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Rôma 11:1

Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin.

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

II Kôrintô 3:5

Ò di să tòm bol he gơs tơl bơta chài rgơi is nàng kơlôi broă lơi gơlik bơh bol hi, mơya bơta chài rgơi bol hi dê tus bơh Yàng Tom Trồ.

Yal Tơlik 7:13

Gơs dô nă tòm ală cau kwang kra ai jơnau đơs mơ añ lah: “Ală cau soh ào jrùh bò do la ñcau taih? Mơ bol khai tus bơh tiah lơi taih?”