Broă 27:4 - Sră Goh 2018

⁴ Bơh tềng hơ̆ bol hi hào ơhò lòt jat rò gah bồt pơlào Ciprus tài bơh tŭ hơ̆ càl khồm sơlơ̆u.

Broă 27:4 ပူးပေါင်းရင်းမြစ်များ

Mathiơ 14:24

Tòm tŭ hơ̆ ơhò neh tus digùl dàlềng rau. Bơh càl khồm sơlơ̆u gen tàng ryà dà lơnggac ơhò.

Jơnau Niam Jat Mak 6:48

Kơnràñ gŏ cau bơtê wàs bòl glar ngan, tài bơh càl khồm sơlơ̆u. Pơgap di di pe jơ mơ prau jơ drim, Kơnràñ lòt hơđang nha dàlềng mơ tus hơ bol khai, mơ kòñ lòt sơrlèt lài sơl.

Luka 8:22

Dô ngai ne Kơnràñ mut tòm ơhò bal mơ ală cau bơtê mơ sồr lah: “Bol he tiă lă đah ne tơnau dờng.” Gen bol khai wàs ơhò lòt.

Broă 13:4

Geh Yàng Hwềng Goh sồr lòt, Sol mơ Banaba mù hơ Selơsi, bơh tềng hơ̆ hào ơhò tus hơ bồt pơlào Ciprus.

Broă 15:39

Bơh bơta hơ̆, gơs bơta tòm pơndang bal kràñ cê ngan, tian gơs bàr nă bol khai tòmcah is; Banaba cèng Mak hào bal ơhò lòt tus hơ Ciprus.

Broă 21:16

Gơs bàr pe nă cau bơtê bơh Sesare kung lòt bal mơ bol hi sơl, mơ lam bol hi mut ơm tòm hìu dô nă cau sơnđan la Manasôn cau ƀòn Ciprus, la dô nă cau neh dòn Yàng lài ngan.

Broă 21:3

Tòm tŭ bol hi gŏ bồt pơlào Ciprus gen lòt đah hơđơm gơ, mơ kư̆ lòt song hơ Siri, ơm dơh tòm Tirơ, tài bơh tềng hơ̆ pal tă tơlik ală phan mơna bơh ơhò.

Broă 27:7

Ơhò lòt adàr ngan tòm jŏ ngai, kong bòl glar ngan gen sồng tus rềp mơ Kơnit. Tài bơh càl dră, ò rgơi lòt ngài rlau, gen tàng bol hi lòt jat rò gah bồt pơlào Kret, mơ lòt gan Salmôn.

Broă 4:36

Behơ̆ gơs dô nă cau Lebi, deh tòm Ciprus, sơnđan khai la Jôsep, ală cau gơnoar bơto dờng sơnđan khai la Banaba, (geh gơtha la kòn klau bơta pơndòm pơniang dê),