Broă 26:18 - Sră Goh 2018

¹⁸ nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 26:18 ပူးပေါင်းရင်းမြစ်များ

Đơs Crih 119:18

Dan Yàng pò mat añ, Nàng añ in sền gŏ ală bơta crih crài tòm bơta boh lam Kơnràñ dê.

Đơs Crih 146:8

Yàng Jehôwa pò mat cau jơngo in, Yàng Jehôwa pò tơngguh ală cau kun tơnliah, Yàng Jehôwa kòñ gơboh di cau song ring.

Esai 29:18

Tòm ngai hơ̆, cau tĭ tồr rơp kơno ală jơnau tòm sră pồt, gar mat cau jơngo rơp sền gŏ bơh bơta lu li mơ klam jơngo.

Esai 32:3

Gen mat cau sền gŏ rơp ò ñềm wơl, ală tồr cau iat rơp kơno loh làng.

Esai 35:5

Gen mat cau jơngo rơp geh àng, tồr cau tĭ rơp geh kơno.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 42:7

nàng pò mat cau jơngo in, hồ cau kòl krơ̆ bơh hìu jàm, mơ toh cau nggui tòm tiah jơngo hìu jàm dê.

Esai 43:8

Cèng tơlik tĕ ală cau gơs mat mơya ò gŏ, gơs tồr mơya ò kơno.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 9:2

Làng bol lòt tòm tiah klam jơngo neh gŏ bơta àng dờng; mơ bơta àng neh sòl hơđang ală cau tòm lơgar hơđơm mƀur bơta chơt dê.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Luka 1:77

Nàng ai làng bol Kơnàñ in git bơta dong klàs bơh bơta geh toh glài bol khai dê.

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Luka 24:45

Gen Kơnràñ pò dơngoh kơlôi bol khai dê nàng git wă Sră Goh,

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Jang 17:17

Dan Bèp ai jơnau song lơh bol khai in gơlik gơs sàng goh; jơnau Bèp la jơnau song.

Jang 3:19

Bơta cahrña hơ̆ la be do: Bơta àng neh tus tòm dunnia mơ cau kòñ gơboh bơta jơngo rlau mơ bơta àng, tài bơh ală broă bol khai dê la iơh bơsak.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

Jang 9:5

Tòm tŭ Añ gam ơm tòm dunnia, Añ la bơta àng dunnia dê.”

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Broă 13:47

Bơh Yàng neh đơs mơ bol hi lah: ‘Añ neh bơtào mê lơh gơs bơta àng ală làng bol in, tồ mê in cèng bơta dong klàs làm jơh plai ù.’”

Broă 15:9

Kơnràñ ò di cah is bol he mơ cau làng bol bơdìh ò, mơya Kơnràñ toh glài bol khai in bơh bơta dòn.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 20:32

Tŭ do, añ jào oh mi Yàng Tom Trồ in mơ tòm jơnau bơta nđàc Kơnràñ dê sơl, la jơnau rgơi bơt bơtào mơ ai sre brê oh mi in bal mơ jơh ală cau neh gơlik gơs sàng goh.

Broă 26:19

Ơ bơtau Agrippa, tài bơh hơ̆ gen tàng añ ò khin tòmdră mơ bơta gơtơnggŏ bơh đang trồ.

Broă 26:23

hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 6:14

Bañ tui yô bal mơ cau ò dòn, bơh bơta song ring mơ bơta iơh bơsak gơs gơtòmsòr bal sơl ơ? Bơta àng mơ bơta jơngo gơs gơtòmklac bal sơl ơ?

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:2

Añ lùp oh mi mìng dô sèng do lơm: Hơ̆ la kơnòm bơh ală broă bơta boh lam dê hala bơh kơno mơ dòn tàng oh mi neh dòp geh Yàng Hwềng taih?

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:14

Yàng Hwềng Goh la phan ai bồ sre brê bol he dê, jơl tus di tŭ Yàng Tom Trồ tơwài wơl làng bol Kơnràñ dê, nàng jòng ro bơta gơklŏ Kơnràñ dê.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Ephesô 4:18

nùs bol khai klam jơngo, ơm ngài mơ bơta kis Yàng Tom Trồ dê, tài bơh bơta bơrngơl gơla tòm bol khai gơlik bơh nùs kră kơldang bol khai dê.

Ephesô 5:11

Bañ gơs bơta gơtòmklac bal tòm broă ò kwơ bơta klam jơngo dê, chan lah pơrhơng bol khai la niam rlau,

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

Ephesô 6:12

Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

II Timôthe 2:26

mơ bol khai git kah nàng dong he lik klàs bơh dă cà ràk kup nàng lơh jat nùs kòñ gơ dê.

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 11:6

Mơ tai, dilah ò gơs bơta dòn, gen ò rgơi niam nùs Kơnràñ; bơh cau lơi lòt tus hơ Yàng Tom Trồ gen pal dòn lah gơs Yàng Tom Trồ, mơ Kơnràñ la Bơtau ai phan ƀàn ală cau in jòi jat Kơnràñ.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Pier 1:4

mơ dòp geh sre brê ò roh rui, ò ƀơ̆ ƀơl, ò ro jrùh, prap lòi hơđang trồ oh mi in,

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 21:27

Ò gơs bơta ngkòr ngkàc lơi, ò gơs cau cù kìr lơi hala cau blac chừt lơi geh mut tềng hơ̆, mơya mìng ală cau neh geh cih sơnđan mat tòm sră bơta kis Belàt Kòn dê geh mut lơm.