Broă 22:5 - Sră Goh 2018

⁵ Ală cau gơnoar dờng lam bồ ơn phan duh khoai mơ jơh mpồl cau kwang tơrña rgơi lơh cơng la añ đơs jơnau song. Añ kung dòp ală sră bơh tê bol khai pơyoa ală oh mi in ơm tòm Damas mơ añ neh lòt tus tềng hơ̆ nàng cap ală cau jat Gùng Duh Khoai do cèng bol khai rê hơ Jerusalem tồ lơh glài jàm.”

Broă 22:5 ပူးပေါင်းရင်းမြစ်များ

Luka 22:66

Rìng àng, ală cau kwang kra tòm làng bol, ală cau gơnoar lam bồ ơn phan duh khoai mơ ală cau bơto bơta boh lam pơjum bal, cèng Yàng Jesu mut tòm Mpồl Kwang Tơrña bol khai dê,

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Broă 2:29

Ơ jơh ală cau Israel, añ rgơi đơs dô bă nền cê mơ oh mi bơh ồng pàng bol he dê la bơtau Dabit lah khai neh chơt mơ tơp rau, bơtô ƀồc khai gam ơm digùl bol he jơl tus di ngai do.

Broă 22:1

“Ơ ală bèp, ală bi, dan iat jơnau tò să añ jê di đap ală ồng.”

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Broă 23:6

Dơ̆ Pol đal git tòm Mpồl Kwang Tơrña gơs dô êt nă la cau Saduse, dô êt nă tai la cau Pharisi, gen hòi driau lah: “Ơ oh mi, añ la cau Pharisi, la kòn cau Pharisi dê. Hơ̆ la tài bơh bơta gơn kơnòm bơh bơta kis wơl ală cau chơt dê tàng añ kong cahrña do.”

Broă 26:10

Añ kung neh lơh behơ̆ tòm Jerusalem. Añ neh dòp gơnoar bơh cau gơnoar lam bồ ơn phan duh khoai, mơ jàm oă cau sàng goh, mơ tòm tŭ cau tơnchơt bol khai gen añ kung tĕ khà dô nùs bal sơl.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 26:12

Behơ̆, añ lòt hơ Damas, geh tơl gơnoar mơ jơnau gơnoar sồr bơh ală cau gơnoar lam bồ ơn phan duh khoai.

Broă 28:17

Tơnơ̆ mơ pe ngai Pol jà ală cau kwang làng bol Juda dê pơjum bal. Neh bol khai tus jơh rau, gen Pol đơs lah: “Ơ oh mi añ, bulah añ ò lơh bơta lơi tòmsò mơ làng bol hala tòmsò mơ bơta òs mòng ồng pàng bol he dê, mơya añ kung kòl kup jàm bơh Jerusalem mơ bơtào tus tòm tê cau Rôma.

Broă 28:21

Ală cau hơ̆ ho lah: “Bol hi ò gŏ tìp sră pơyoa bơh lơgar Jude đơs bơh broă bi dê, kung ò gơs oh mi lơi lòt tus yal bol hi in hala đơs iơh di bi ò.

Broă 3:17

Tŭ do, ơ làng bol Israel, añ git oh mi mơ ală cau kwang oh mi dê neh lơh bơta hơ̆ tài bơh ò git.

Broă 4:5

Ngai tơnơ̆, ală cau kwang làng bol dê, ală cau kwang kra, mơ ală cau bơto bơta boh lam pơjum tòm Jerusalem,

Broă 5:21

Ală cau gơnoar bơto dờng kơno ală jơnau hơ̆, gơ rơp rìng àng bol khai mut tòm hìu duh khoai mơ bơto sồr. Ai cau gơnoar dờng lam bồ ơn phan duh khoai mơ ală cau jat khai tus, pơjum Mpồl Kwang Tơrña mơ jơh ală cau kwang kra làng bol Israel dê, sồr cau mut tòm hìu jàm nàng lam ală cau gơnoar bơto dờng lòt tus hơ bol khai.

Broă 9:14

Tŭ do, cau hơ̆ ơm tềng do geh tơl gơnoar bơh ală cau gơnoar lam bồ ơn phan duh khoai nàng kup cap jơh ală cau hòi dan di sơnđan Kơnràñ.”

Galati 1:13

Oh mi ngan neh kơno bơh bơta ngac ngar lài òr añ jê tòm gùng duh khoai cau Juda dê, be añ neh kup kơryan mơ lơh gơprah gơpring Hìu Jum Goh Yàng Tom Trồ dê ò git lơh;

Philip 3:6

bơh nùs ngac ngar gen la cau kup kơryan Hìu Jum Goh, ai bơh bơta song ring bơta boh lam dê gen ò gơs tiah geh lah pơrhơng.

I Timôthe 4:14

Bañ sang lòi bơta nđàc tòm mê, la bơta nđàc kơnòm di jơnau gơnoar hwơr, mơ bơta ơn tê mpồl cau kra dê neh ai mê in.