Broă 20:3 - Sră Goh 2018

³ mơ ơm tềng hơ̆ pe kơnhai. Tòm tŭ khai mòr hào ơhò nàng tiă hơ lơgar Siri, gen cau Juda jòi kai nàng lơh iơh di khai, gen tàng khai lơh nền lòt gan di lơgar Masedoan nàng rê wơl.

Broă 20:3 ပူးပေါင်းရင်းမြစ်များ

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Jơnau Pơnđik 1:11

Dilah bol khai đơs: “Tus tĕ mơ bol hi, bol he kơp mòc lơh gơhòr mhàm cau, bol he ơm kơp òm nàng lơh iơh di cau ò tìs glài.

Jeremi 5:26

Bơh digùl làng bol Añ jê gơs ală cau iơh; Bol khai kơp mòc kung be cau pơndòm sềm, Pơt dă nàng kup cau.

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Broă 16:12

Bơh tềng hơ̆, bol hi lòt tus hơ Philip la ƀòn dờng sơnròp tòm càr Masedoan, gơrê bal mơ lơgar Rôma. Bol hi ơm tềng hơ̆ dô êt ngai.

Broă 16:9

Tòm mang hơ̆ Pol gŏ bơta gơtơnggŏ gơs dô nă cau Masedoan ntào di đap khai mơ rac dan lah: “Tus tĕ hơ Masedoan nàng dong kòl bol hi.”

Broă 18:18

Pol gam ơm jŏ ngai bal mơ cau dòn tòm Kôrintô, lồc behơ̆ tơngac ală cau dòn, hào ơhò bal mơ Prissil mơ Akila, lòt hơ lơgar Siri, tơnơ̆ mơ tŭ neh koah sŏ tòm Senkre, bơh khai neh gơs jơnau ho pơgon.

Broă 19:21

Tơnơ̆ mơ ală broă hơ̆ neh sir rau, Pol lơh nền tòm nùs lòt gan di lơgar Masedoan mơ lơgar Acai, gen lòt tơn hơ Jerusalem. Khai đơs lah: “Tòm tŭ añ neh tus tềng hơ̆, añ kung pal lòt còp Rôma tai sơl.”

Broă 20:1

Tòm tŭ bơta sơlồng sơlàng neh jơh rau, Pol hòi jà ală cau dòn tus nàng bơto pơndòm gen tơngac bol khai mơ lòt tus hơ lơgar Masedoan.

Broă 20:19

Añ duh broă dô bă pơndêt să, gơhòr oă dà mat, be dĭ gơna Yàng dê tòm bơta gơlòng bòl glar bơh kai gơrmơ̆i cau Juda.

Broă 20:2

Khai lòt làm jơh kơnhwàl hơ̆, ngui oă jơnau bơto pơndòm ală cau dòn, lồc behơ̆ lòt tus hơ lơgar Grek,

Broă 21:3

Tòm tŭ bol hi gŏ bồt pơlào Ciprus gen lòt đah hơđơm gơ, mơ kư̆ lòt song hơ Siri, ơm dơh tòm Tirơ, tài bơh tềng hơ̆ pal tă tơlik ală phan mơna bơh ơhò.

Broă 25:3

dan ai bol khai in dô bơta nđàc nàng cèng Pol rê wơl hơ Jerusalem, bơh bol khai neh lơh nền kơp nàng tơnchơt Pol rò gùng.

II Kôrintô 1:15

Bơh bơta dòn nền cê hơ̆, añ neh lơh nền lài lòt còp oh mi, tồ oh mi in geh bơta nđàc rlau tai;

II Kôrintô 11:26

oă lòt gùng, sơbơng rơng hơđang ală hiòng, sơbơng rơng mơ ală cau phà kơñau, sơbơng rơng mơ làng bol tòm, sơbơng rơng mơ làng bol bơdìh, sơbơng rơng tòm ƀòn dờng, sơbơng rơng tòm ƀlàng bràs, sơbơng rơng hơđang dàlềng, sơbơng rơng mơ ală oh mi ma blac;

II Kôrintô 7:5

Mơ tai, dơ̆ bol hi lòt tus tòm Masedoan, poac să bol hi ò geh rlô lơngai dô êt lơi, mơya gơtìp li bơta bòl glar: Bơdìh gơs bơta tòmlơh, dơlam gơs bơta rngòt rngơt.

Galati 1:21

Tơnơ̆ tai añ lòt tơn tòm ală kơnhwàl lơgar Siri mơ Silisi.