Broă 20:2 - Sră Goh 2018

² Khai lòt làm jơh kơnhwàl hơ̆, ngui oă jơnau bơto pơndòm ală cau dòn, lồc behơ̆ lòt tus hơ lơgar Grek,

Broă 20:2 ပူးပေါင်းရင်းမြစ်များ

Sacari 9:13

Añ rơp wàr Juda kung be Añ wàr àtak Añ jê mơ ơn Epraim kung be kam gơ dê; Ơ Siôn, Añ rơp bơtào tơngguh ală kòn klau mê dê tòmdră mơ ală kòn klau Grek dê mơ Añ rơp ngui mê gơlik kung be dô nơm đào tòm tê pràn cau tòmlơh dê.

Luka 3:18

Jang kung ngui oă jơnau bơto pơndòm ndai nàng bơto yal Jơnau Niam làng bol in.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 15:41

Pol lòt làm jơh Siri mơ Silisi, lơh ală Hìu Jum Goh in geh kơ̆ nền mơ pràn kơldang.

Broă 16:12

Bơh tềng hơ̆, bol hi lòt tus hơ Philip la ƀòn dờng sơnròp tòm càr Masedoan, gơrê bal mơ lơgar Rôma. Bol hi ơm tềng hơ̆ dô êt ngai.

Broă 17:1

Pol mơ Sila lòt gan di Amphipôlis mơ Apôlôni, lồc behơ̆ lòt tus hơ Tesalônika, tềng hơ̆ gơs dô nơm hìu jum cau Juda dê.

Broă 17:10

Tòm mang hơ̆ mo, ală cau dòn jun Pol mơ Sila tus hơ Bere. Neh tus tềng hơ̆ rau, bol khai mut tòm hìu jum cau Juda dê.

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

Broă 20:1

Tòm tŭ bơta sơlồng sơlàng neh jơh rau, Pol hòi jà ală cau dòn tus nàng bơto pơndòm gen tơngac bol khai mơ lòt tus hơ lơgar Masedoan.

Broă 20:11

Pol guh wơl hơ tap hơđang, dơrkă piang lă sa, mơ tòmbơhbơr jŏ ngan jơl àng sồng lòt.

Broă 20:3

mơ ơm tềng hơ̆ pe kơnhai. Tòm tŭ khai mòr hào ơhò nàng tiă hơ lơgar Siri, gen cau Juda jòi kai nàng lơh iơh di khai, gen tàng khai lơh nền lòt gan di lơgar Masedoan nàng rê wơl.

I Kôrintô 4:19

Mơya dilah Yàng kòñ añ lòt, gen añ rơp tus mhar hơ oh mi; mơ añ rơp sơwì nàng git ală cau jòng is să he hơ̆, ò di bơh jơnau đơs bol khai dê, mơya bơh gơnap gơnoar bol khai dê.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

I Tesalônika 2:11

Oh mi kung git mbe lơh bol hi gơwèt mơ kòp nă cau tòm oh mi be bèp mơ kòn.

I Tesalônika 2:3

Bơh bơta bơto pơndòm bol hi dê ò di bơh bơta tìs, hala bơh bơta ngkòr ngkàc, kung ò di jat bơta lac lèo.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.