Broă 2:4 - Sră Goh 2018

⁴ Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 2:4 ပူးပေါင်းရင်းမြစ်များ

II Samuel 23:2

Hwềng Yàng Jehôwa dê neh kơnòm di añ mơ đơs; jơnau đơs Kơnràñ dê ơm di lơmpiat añ.

Esai 28:11

Gen tàng Yàng Jehôwa rơp ngui sơndồi cau lơgar bơdìh mơ jơnau đơs krơi is nàng đơs mơ làng bol do.

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Ejekiel 3:11

Tŭ do lòt tĕ tus hơ ală cau làng bol mê dê neh kong kup cèng pơrdô mơ đơs mơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’ Bulah bol khai iat hala ò iat.”

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Mathiơ 10:19

Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆.

Jơnau Niam Jat Mak 16:17

Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs,

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 1:41

Dơ̆ Elisabet kơno jơnau còp să Mari dê, gen kòn sơnđoh tòm kơndul. Elisabet geh bềng lìu Yàng Hwềng Goh,

Luka 1:67

Chòp Sacari, bèp kòn hơ̆, geh bềng lìu Yàng Hwềng Goh mơ đơs hwơr lah:

Luka 12:12

tài bơh di di jơ hơ̆ Yàng Hwềng Goh rơp bơto bol mê jơnau bol mê pal đơs.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Luka 4:1

Yàng Jesu bềng lìu Yàng Hwềng Goh, bơh hiòng Jordan rê wơl, gen geh Yàng Hwềng lam tus hơ ƀlàng ngềt ngơt,

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 20:22

Neh Kơnràñ đơs behơ̆ rau, gen khồm nhơm hơđang ală cau bơtê mơ đơs lah: “Dòp tĕ Yàng Hwềng Goh.

Broă 1:5

Bơh ngan Jang neh lơh ƀaptem mơ dà, mơya tòm dô êt ngai tai bol mê rơp gơs ƀaptem mơ Yàng Hwềng Goh.”

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 10:46

bơh ală cau dòn Yàng hơ̆ kơno bol khai đơs jơnau đơs ndai mơ jòng ro Yàng Tom Trồ.

Broă 10:47

Tŭ hơ̆ Pier đơs tai lah: “Ñcau rgơi kơryan lơh ƀaptem mơ dà, ală cau do in la cau neh dòp geh Yàng Hwềng Goh kung be bol he taih?”

Broă 11:15

Tòm tŭ añ sơntòm đơs, gen Yàng Hwềng Goh mù hơđang bol hơ̆, kung be neh mù hơđang bol he bơh sơnròp sơl.

Broă 11:24

bơh Banaba la cau lơbơn niam, gơs bềng lìu Yàng Hwềng Goh mơ bơta dòn. Mơ gal ngan cau dòn jat Yàng.

Broă 13:52

Ai ală cau dòn tòm Antiôt gen geh bềng lìu bơta hòn chò mơ Yàng Hwềng Goh.

Broă 13:9

Tŭ hơ̆, Sol kung sơnđan la Pol, geh bềng lìu Yàng Hwềng Goh, sền trol di cau bơjơu hơ̆ mơ đơs lah:

Broă 15:8

Yàng Tom Trồ la Bơtau git nùs tơl nă cau, neh lơh cơng Kơnràñ dòp rò bol khai tòm tŭ ai Yàng Hwềng Goh bol khai in kung be ai bol he in sơl.

Broă 19:6

Tòm tŭ Pol neh ơn tê hơđang bol khai, gen gơs Yàng Hwềng Goh mù rơp hơđang bol khai, mơ ai bol khai in đơs jơnau đơs ndai mơ đơs hwơr.

Broă 2:11

jơh ală cau Juda mơ cau pa jat gùng duh khoai cau Juda dê, cau Kret bal mơ cau Arap sơl, bol he kơno bol khai ai jơnau đơs bol he dê mơ đơs bơh ală broă gơnap gơnoar Yàng Tom Trồ dê.”

Broă 2:3

Ală cau bơtê gŏ ală lơmpiat be lơmpiat ồs gơlik, gơcah is mơ rơp hơđang kòp nă cau tòm bol khai.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 4:8

Tŭ hơ̆ Pier bềng lìu Yàng Hwềng Goh mơ đơs lah: “Ơ ală cau kwang làng bol dê mơ ală cau kwang kra,

Broă 6:3

Behơ̆, dan oh mi sac tĕ tòm bơnòr he poh nă cau geh pơnro niam, bềng lìu Yàng Hwềng Goh mơ bơta jak chài, nàng bol hi rơp jào broă do bol khai in.

Broă 6:5

Jơh ală cau niam nùs bơh ală jơnau hơ̆, gen sac rwah Etien la cau gơs bềng bơta dòn mơ Yàng Hwềng Goh, Philip, Prôkôr, Nikanor, Timôn, Parmenas, mơ Nikôlaus la cau Antiôt pa jat gùng duh khoai cau Juda dê;

Broă 6:8

Etien bềng bơta nđàc mơ gơnap gơnoar bơh Yàng Tom Trồ lơh gơs bơta krơi mơ tềl is dờng ngan tòm làng bol.

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;

Broă 8:17

Pier mơ Jang ơn tê hơđang bol khai gen bol khai dòp geh Yàng Hwềng Goh.

Broă 9:17

Anania lik lòt, mut tòm hìu, gen ơn tê hơđang Sol mơ đơs lah: “Ơ bi Sol, Yàng la Yàng Jesu, neh tơlik să mơ bi tòm gùng bi lòt tus hơ do, neh sồr añ lòt tus tồ bi in geh àng mat wơl mơ geh bềng lìu Yàng Hwềng Goh.”

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 13:1

Bulah añ đơs ală jơnau đơs kòn mơnus mơ cau gơnrơh dê, mơ dilah ò gơs bơta kòñ gơboh, gen añ gơlik gơs kung be cing ntas hala mồng nggồr.

I Kôrintô 13:8

Bơta kòñ gơboh ò gơs tŭ lơi jơh, bulah bơta ai gòi đơs hwơr rơp jơh, bulah ală jơnau đơs ndai rơp rlau, bulah bơta git jak rơp lồi.

I Kôrintô 14:18

Añ ưnngài Yàng Tom Trồ, añ đơs oă jơnau đơs ndai rlau mơ ală oh mi,

I Kôrintô 14:5

Añ kòñ jơh ală oh mi đơs jơnau đơs ndai, mơya añ kòñ rlau tai oh mi đơs hwơr. Cau đơs hwơr la dờng rlau mơ cau đơs jơnau đơs ndai, mìng dilah gơs cau sơpơ̆bơr, nàng bơt bơtào Hìu Jum Goh in.

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.

I Samuel 1:14

Gen Heli đơs mơ khai lah: “Nđò jŏ ai rơp ơm bơñul ñô behơ̆ taih? Lơh rài tĕ tơrnòm bơh di ai.”

I Samuel 10:10

Tòm tŭ bol khai tus hơ Gibea, dô mpồl cau gơnoar hwơr tìp khai; Hwềng Yàng Tom Trồ dê mù hơđang khai, mơ khai mut bal tòm mpồl hơ̆ đơs hwơr mơ bol khai.