Broă 2:3 - Sră Goh 2018

³ Ală cau bơtê gŏ ală lơmpiat be lơmpiat ồs gơlik, gơcah is mơ rơp hơđang kòp nă cau tòm bol khai.

Broă 2:3 ပူးပေါင်းရင်းမြစ်များ

Sơnròp Gơlik Gơs 11:6

Yàng Jehôwa đơs lah: “Do, bol khai gơs mìng dô làng bol, mơ tơl nă gơs dô jơnau đơs bal mơ ne broă bol khai rơp lơh, tŭ do ò gơs bơta lơi kơryan bol khai lơh gơs ală bơta bol khai neh kơlôi nền.

Đơs Crih 55:9

Ơ Yàng, dan tơnroh bơta bơyai bol khai dê, mơ lơh sơlồng sơlàng jơnau đơs bol khai dê, Bơh añ gŏ bơta iơh rhung rhang mơ bơta tòmpìt tòmhà tòm ƀòn dờng.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Jeremi 23:29

“Jơnau añ ngan ò di kung be ồs, kung be mut pòng bơcah lŭ ơ?” Yàng Jehôwa đơs behơ̆.

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Luka 24:32

Bol khai đơs bal lah: “Tòm tŭ lòt rò gùng nti, Kơnràñ tòmbơhbơr mơ bol he mơ yal tơlik loh Sră Goh bol he in, nùs bol he ò duh hul ơ?”

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Broă 2:11

jơh ală cau Juda mơ cau pa jat gùng duh khoai cau Juda dê, cau Kret bal mơ cau Arap sơl, bol he kơno bol khai ai jơnau đơs bol he dê mơ đơs bơh ală broă gơnap gơnoar Yàng Tom Trồ dê.”

Broă 2:2

Nisơna, gơs ntas bơh đang trồ tus be ntas càl khồm ur ur bềng jơh dô nơm hìu bol khai ơm nggui.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

Jakơ 3:6

Lơmpiat kung be ồs. Lơmpiat la be dô nơm dunnia tồi glài iơh bơsak ơm digùl ală pơnah tòm să jan he, lơh ƀơ̆ ƀơl jơh să jan, chu pơrguc jơh rài kis cau, ai gơ gen neh kong ồs brah tìng chu pơrguc sơl.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.