Broă 2:24 - Sră Goh 2018

²⁴ Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Broă 2:24 ပူးပေါင်းရင်းမြစ်များ

Đơs Crih 116:16

Ơ Yàng Jehôwa, añ la cau duh broă Kơnràñ dê; Añ la cau duh broă Kơnràñ dê, kòn ùr kòn klau cau ùr duh broă Kơnràñ dê. Kơnràñ neh hồ che cap añ.

Esai 10:7

Mơya hơ̆ ò di la bơta khai lơh nền, hơ̆ ò di la bơta khai kơlôi tòm dơngoh; mơya tòm nùs khai dê la kòñ tơnroh, mơ pơndut oă làng bol.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 10:35

Dilah bơta boh lam sơnđan ală cau dòp geh jơnau Yàng Tom Trồ dê la yàng, (mơ jơnau Sră Goh ò rgơi sang lòi ò),

Jang 12:39

Bơh bơta hơ̆ bol khai ò rgơi dòn, tài bơh Esai neh đơs tai lah:

Jang 20:9

Bơh bol khai òhềt git jơnau Sră Goh cih lah Yàng Jesu pal kis wơl bơh bơta chơt.

Broă 1:16

“Ơ ală oh mi, jơnau Sră Goh mơ Yàng Hwềng Goh neh kơnòm di bơr Dabit nàng đơs hwơr bơh Juda, la cau neh lam gùng cau in nàng kup Yàng Jesu, jơnau hơ̆ pal gơlik di ngan.

Broă 13:30

Mơya Yàng Tom Trồ neh lơh Kơnràñ in kis wơl bơh bơta chơt.

Broă 13:37

Ai Bơtau mơ Yàng Tom Trồ neh lơh kis wơl gen ò gŏ bơta ồm lề ò.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Broă 4:10

behơ̆ jơh ală ồng mơ jơh làng bol Israel git tĕ lah hơ̆ la ai sơnđan Yàng Jesu Krist Cau Nasaret mơ ală ồng neh pơng di chi pơng mơ Yàng Tom Trồ neh lơh kis wơl bơh bơta chơt, hơ̆ la kơnòm di Bơtau hơ̆ tàng cau do geh pràn kơldang tŭ do ơm ntào di đap ală ồng.

Broă 5:30

Yàng Tom Trồ ồng pàng bol he dê neh lơh Yàng Jesu in kis wơl, la Bơtau mơ ală ồng neh yồng hơđang chi pơng mơ tơnchơt tơn.

Rôma 10:9

Behơ̆ dilah bơr mê yal tơlik Yàng Jesu la Yàng, mơ nùs mê dòn lah Yàng Tom Trồ neh lơh Kơnràñ in kis wơl bơh bơta chơt, gen mê rơp geh dong klàs:

Rôma 14:9

Bơtau Krist neh chơt mơ neh kis wơl, nàng lơh gơs Yàng cau chơt mơ cau kis in sơl.

Rôma 4:24

mơya kung bơh bol he la cau rơp geh kòp behơ̆ sơl, la cau dòn di Bơtau neh lơh Yàng Jesu in, la Yàng bol he dê, kis wơl bơh bơta chơt.

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

Rôma 8:34

Ñcau rơp lơh nền glài bol khai taih? Yàng Krist Jesu la Bơtau neh chơt mơ ngan neh kis wơl bơh bơta chơt; Kơnràñ nggui đah ma Yàng Tom Trồ mơ hòi dan ala bol he in.

I Kôrintô 15:12

Dilah oh mi geh bơto yal lah Bơtau Krist neh geh kis wơl bơh bơta chơt, gen mbe lơh tòm oh mi gơs cau đơs lah ò gơs bơta kis wơl ală cau chơt dê taih?

I Kôrintô 15:15

Dilah ală cau chơt ò geh kis wơl, gen Yàng Tom Trồ ò lơh Bơtau Krist in kis wơl; ngan bol hi gơlơh be cau lơh cơng ma blac bơh Yàng Tom Trồ, tài bơh bol hi neh lơh cơng lah: Yàng Tom Trồ neh lơh Bơtau Krist in kis wơl.

I Kôrintô 15:20

Mơya do, Bơtau Krist neh geh kis wơl bơh bơta chơt rau, la plai bồ sơnam ală cau bic dê.

I Kôrintô 15:4

Kơnràñ neh kong tơp, tus di ngai pe Kơnràñ neh geh kis wơl, jat be jơnau Sră Goh;

I Kôrintô 6:14

Mơ Yàng Tom Trồ neh lơh Yàng in kis wơl, kung rơp ai gơnap gơnoar Kơnràñ dê mơ lơh bol he in kis wơl sơl.

II Kôrintô 4:14

bơh git lah Bơtau neh lơh Yàng Jesu in kis wơl kung rơp lơh bol hi in kis wơl bal mơ Yàng Jesu, mơ cèng tơlik bol hi bal mơ oh mi di đap Kơnràñ.

Galati 1:1

Pol, geh hòi sac lơh gơs cau gơnoar bơto dờng, ò di bơh jơi kòn mơnus, kung ò bơh dô nă cau lơi, mơya bơh Yàng Jesu Krist mơ Yàng Tom Trồ la Bèp, hơ̆ la Bơtau neh lơh Kơnràñ in kis wơl bơh bơta chơt.

Ephesô 1:20

Yàng Tom Trồ neh ngui gơnap gơnoar nàng lơh broă tòm Bơtau Krist, tòm tŭ lơh Bơtau hơ̆ in kis wơl bơh bơta chơt, mơ lơh Bơtau hơ̆ in nggui đah ma Kơnràñ hơđang trồ,

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

I Tesalônika 1:10

mơ kơp gơn Kòn Kơnràñ dê tus bơh đang trồ, la Yàng Jesu mơ Yàng Tom Trồ neh hòi kis wơl bơh bơta chơt, hơ̆ la Bơtau dong tă bol he klàs bơh bơta gơjrañ dờng rơp tus.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.