Broă 2:22 - Sră Goh 2018

²² Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Broă 2:22 ပူးပေါင်းရင်းမြစ်များ

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Mathiơ 12:28

Mơya dilah Añ kơnòm dê Hwềng Yàng Tom Trồ dê nàng bơtrơh cà, gen lơgar Yàng Tom Trồ dê neh tus hơ bol mê rau.

Mathiơ 2:23

tus ơm tòm dô nơm ƀòn dờng sơnđan la Nasaret, nàng gơlik di ngan be jơnau ală cau gơnoar hwơr neh đơs lah: “Cau rơp sơnđan Kơnràñ la Cau Nasaret.”

Mathiơ 9:8

Mpồl làng bol gŏ bơta hơ̆, gen rngòt rngơt ngan mơ jòng ro Yàng Tom Trồ la Bơtau neh ai cau in gơnoar behơ̆.

Luka 11:20

Mơya dilah Añ kơnòm di ràs tê Yàng Tom Trồ dê nàng bơtrơh cà, gen lơgar Yàng Tom Trồ neh tus hơ bol mê rau.

Luka 18:37

Bol khai yal khai in git lah Yàng Jesu Cau Nasaret lòt gan.

Luka 24:18

Tòm bàr nă bol khai, dô nă sơnđan la Kleôpa đơs mơ Kơnràñ lah: “Ngan mìng dô nă ồng la cau nac crih tòm Jerusalem mơ ò git broă neh gơlik gơs tềng hơ̆ tòm ală ngai do ơ?”

Jang 1:45

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Jang 10:37

Dilah Añ ò lơh ală broă Bèp Añ jê, gen bol mê bañ dòn Añ;

Jang 11:47

Tài behơ̆, ală cau gơnoar lam bồ ơn phan duh khoai mơ ală cau Pharisi pơjum Mpồl Kwang Tơrña mơ đơs lah: “Ñchi bol he pal lơh taih? Cau do lơh oă ngan tềl krơi.

Jang 12:17

Mpồl làng bol neh ơm mơ Yàng Jesu tòm tŭ Kơnràñ hòi Lasarơ lik bơh bơtô ƀồc mơ lơh khai in kis wơl bơh bơta chơt, lơh cơng bơh Kơnràñ lơm.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 19:19

Pilat kung sồr cih dô nơm mpàn mơ yồng hơđang chi pơng lah: “JESU CAU NASARET, BƠTAU LÀNG BOL JUDA.”

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 4:48

Yàng Jesu đơs mơ cau kwang hơ̆ lah: “Dilah bol mê ò gŏ tềl is mơ bơta krơi gen bol mê ò dòn ò!”

Jang 5:36

Mơya Añ gơs bơta lơh cơng dờng rlau mơ bơta lơh cơng Jang dê, bơh ală broă Bèp neh jào Añ in lơh wil tơl, ală broă Añ lơh hơ̆ lơh cơng bơh Añ lah Bèp neh sồr Añ lòt tus.

Jang 6:14

Behơ̆ ală cau gŏ tềl krơi Yàng Jesu neh lơh, gen đơs lah: “Cau do ngan la cau gơnoar hwơr pal tus tòm dunnia.”

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Jang 9:33

Dilah cau do ò tus bơh Yàng Tom Trồ, gen ò rgơi lơh bơta lơi ò.”

Broă 13:16

Pol ntào, ai tê lơh tềl mơ đơs lah: “Ơ ală cau Israel mơ ală cau làng bol bơdìh duh rngòt di Yàng Tom Trồ, dan iat tĕ do:

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 2:19

Mơ tai, Añ rơp tơlik bơta krơi hơđang trồ, Mơ tềl is tòm ù; hơ̆ la mhàm, ồs mơ ñhŭ;

Broă 2:43

Kòp nă cau duh rngòt lơm, ală cau gơnoar bơto dờng lơh oă bơta krơi mơ tềl is.

Broă 21:28

mơ hòi driau lah: “Ơ cau Israel, dong kòl tĕ! Do la cau neh bơto sồr làm jơh ƀòn lơgar nàng tòmdră mơ làng bol, tòmsò mơ bơta boh lam Môise, mơ hìu duh khoai do sơl; tian gơs khai kung lam cau Grek mut tòm hìu duh khoai, mơ lơh ngkòr ngkàc tiah sàng goh do.”

Broă 22:8

Añ ho lah: ‘Ơ Yàng, Kơnràñ la ñcau?’ Yàng ho lah: ‘Añ la Jesu Cau Nasaret mơ mê kup kơryan.’

Broă 24:5

Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Broă 26:26

Bơtau git loh ală bơta do gen añ khin cha đơs; bơh añ dòn nền ngan lah ò gơs bơta lơi mơ bơtau ò git, tài bơh ală broă do ò di lơh tòm tiah ndơp ò.

Broă 26:9

Ngan, să tòm añ neh kơlôi lah pal ngui oă bơta nàng tòmdră di sơnđan Jesu Cau Nasaret.

Broă 3:12

Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

Broă 3:6

Mơya Pier đơs mơ khai lah: “Añ ò gơs dô êt lơi màh priă, mơya bơta añ gơs añ ai mê in: Ai sơnđan Yàng Jesu Krist Cau Nasaret, ntào lòt tĕ!”

Broă 4:10

behơ̆ jơh ală ồng mơ jơh làng bol Israel git tĕ lah hơ̆ la ai sơnđan Yàng Jesu Krist Cau Nasaret mơ ală ồng neh pơng di chi pơng mơ Yàng Tom Trồ neh lơh kis wơl bơh bơta chơt, hơ̆ la kơnòm di Bơtau hơ̆ tàng cau do geh pràn kơldang tŭ do ơm ntào di đap ală ồng.

Broă 5:35

Chòp khai đơs lah: “Ơ cau Israel, kơrhia tĕ bơh bơta bol mê rơp lơh di ală cau do.

Broă 6:14

bơh bol hi neh kơno khai đơs lah Jesu Cau Nasaret ne rơp tơnroh tiah do mơ tòmgơl ală bơta òs mòng mơ Môise neh lòi wơl bol he in.”

II Kôrintô 12:12

Ngan oă bơta krơi, tềl is, neh geh lơh cơng lah, añ la dô nă cau gơnoar bơto dờng, neh geh bơtào digùl oh mi tòm oă bơta ơt ơl.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.