Broă 2:11 - Sră Goh 2018

¹¹ jơh ală cau Juda mơ cau pa jat gùng duh khoai cau Juda dê, cau Kret bal mơ cau Arap sơl, bol he kơno bol khai ai jơnau đơs bol he dê mơ đơs bơh ală broă gơnap gơnoar Yàng Tom Trồ dê.”

Broă 2:11 ပူးပေါင်းရင်းမြစ်များ

I Ală Bơtau 10:15

Di gah hơ̆, la ală màh bơh ală cau kă bro mơ bơh ală cau lòt pơrgơl phan mơna, mơ màh bơh jơh ală cau bơtau Arabi, mơ ală cau kwang đơng lơgar dê.

II Yal Yau 17:11

Gơs dô êt cau Philistin cèng Jehôsaphat ală phan pà, mơ priă nàng lơh gơs phan pà, mơ ală cau Arap kung cèng khai in poh rbô poh rhiang nơm belàt mơ poh rbô poh rhiang nơm be.

II Yal Yau 26:7

Yàng Tom Trồ dong kòl khai tòmdră mơ cau Philistin mơ tòmdră mơ cau Arap ơm tòm Gur Baal mơ tòmdră mơ cau Meunit.

Sră Jop 9:10

Kơnràñ lơh ală broă dờng rlau mơ bơta git wă, bơta crih crài ò rgơi kòp.

Đơs Crih 107:15

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:21

Lòi bol khai ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:8

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 111:4

Kơnràñ jòi geh bơta prap kah bơh ală broă crih crài Kơnràñ dê, Yàng Jehôwa la kòñ nđàc mơ gơs nùs nđàc sơngit.

Đơs Crih 136:4

Mìng dô nă Kơnràñ lơm lơh gơs ală bơta crih crài dờng, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 26:7

Ai jơnau đơs chò dờng dô bơta đơs chò ưnngài, Mơ yal wơl jơh ală broă crih crài Kơnràñ dê.

Đơs Crih 40:5

Ơ Jehôwa Yàng Tom Trồ añ jê, ală broă crih crài Yàng neh lơh, Mơ ală bơta kơlôi sơnơng Kơnràñ dê gơwèt mơ bol hi la oă ngan, Ò gơs cau lơi rgơi pơndròm mơ Yàng! Dilah añ kòñ yal tơlik đơs bơh ală broă hơ̆, Gen gơ la oă ngan, ò jai kòp.

Đơs Crih 71:17

Ơ Yàng Tom Trồ, Kơnràñ neh bơto añ bơh di tŭ añ gam kơnòm, Jơl tus di tŭ do añ gam yal tơlik ală broă crih crài Kơnràñ dê.

Đơs Crih 77:11

Añ rơp kah wơl ală broă Yàng Jehôwa dê, Ngan añ rơp kah wơl ală broă crih crài Kơnràñ dê tòm rài yau.

Đơs Crih 78:4

Bol he rơp ò pồn ală jơnau hơ̆ di kòn sau bol khai dê, Mơya rơp yal wơl rài tơnơ̆ rơp tus in, Bơh ală broă gơklŏ Yàng Jehôwa dê, mơ gơnoar pràn Kơnràñ dê, mơ bơh ală broă crih crài Kơnràñ neh lơh.

Đơs Crih 89:5

Ơ Yàng Jehôwa, lòi ală tap trồ jòng ro ală broă crih crài Kơnràñ dê, Mơ bơta dòn song Kơnràñ dê tòm mpồl jơnum ală cau sàng goh dê.

Đơs Crih 96:3

Yal tơlik tĕ bơta gơklŏ Kơnràñ digùl ală lơgar, Yal tơlik ală broă crih crài Kơnràñ dê digùl jơh ală làng bol!

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Esai 13:20

Gơ rơp ò gơs cau ơm, hala kis tềng hơ̆ tai tòm jơh ală rài; Ală cau Arap ò sơntơp sàl bol khai dê tềng hơ̆, ală cau ê belàt kung ò lòi mpồl belàt bic rlô bòl tềng hơ̆.

Esai 21:13

Jơnau đơs hwơr bơh Arabi: Ơ mpồl cau lòt kă bro Dedan dê, tòm rlau chi tòm tiah ring ƀlàng bràs dê bol mê rơp bic rlô.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 28:29

Jơh ală bơta hơ̆ kung tus bơh Yàng Jehôwa Gơnap Gơnoar Dờng, tơnggume broă Kơnràñ dê crih crài, mơ jak chài lin rlau jơh.

Jeremi 25:24

ală bơtau Arabi, ală bơtau ală lơgar cau ơm tòmpơrlŭ bal tòm ƀlàng bràs;

Jeremi 3:2

Sền tơnggòr tĕ ală tiah jơnhoa kơlờl, mơ sền tĕ! Gơs tiah lơi mơ mê ò lơh rềs àr bơrnàn sơl? Di gah gùng mê ơm nggui nàng gơn cau lơh tir, kung be dô nă cau Arap tòm ƀlàng ngềt ngơt; Mê neh lơh ngkòr ngkàc ù tiah, mơ bơta dri tơlàr gơlềng gơlàng.

Broă 2:10

Phriji, Pamphili, Ejiptơ, tiah Libi rềp Siren, mơ ală cau nac tus bơh Rôma,

Broă 2:12

Jơh tơl nă bol khai ai lơh crih crài, ò git kơlôi mbe lơh, gen đơs bal lah: “Ñchi jơnau gơtha broă do taih?”

Broă 27:12

Bơh rnơs hơ̆ ò diơng ơhò in dah tòm kơnhai noat hơ̆, behơ̆ tàng oă cau bơyai lah pal lòi tiah hơ̆ mơ pơnđơl lòt tus hơ Phenis, la rnơs Kret dê, pơnah đah đang mattơngai mut mơ đah đơm mattơngai mut, nàng gơ in dah tòm kơnhai noat tềng hơ̆.

Broă 27:13

Tòm tŭ gơs dô êt càl đơm sơntòm khồm, bol khai tồnlah rgơi lơh jat be bơta lơh nền lài, gen hwài tơngguh lòs kơlnĕ mơ lòt jat rò gah bồt pơlào Kret.

Broă 27:7

Ơhò lòt adàr ngan tòm jŏ ngai, kong bòl glar ngan gen sồng tus rềp mơ Kơnit. Tài bơh càl dră, ò rgơi lòt ngài rlau, gen tàng bol hi lòt jat rò gah bồt pơlào Kret, mơ lòt gan Salmôn.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

Galati 1:17

Añ kung ò guh hơ Jerusalem nàng tìp ală cau neh gơs gơnoar bơto dờng lài mơ añ, mơya añ lòt hơ lơgar Arabi; gen añ rê wơl hơ Damas.

Galati 4:25

Agar hơ̆ la mơnơm Sinai tòm lơgar Arabi, kung ò gơkrơi be Jerusalem tòm tŭ do, ƀòn hơ̆ bal mơ kòn sau gơ dê lơh gơs dĭ gơna.

Sră Pơyoa Pol Dê Pơyoa Tit In 1:12

Dô nă tòm mpồl bol khai, hơ̆ la cau gơnoar hwơr bol khai dê, neh đơs lah: “Cau Kret òs đơs blac, la phan poan jơng jàñ bơsak, jròk sa mơ lơh alah.”

Sră Pơyoa Pol Dê Pơyoa Tit In 1:5

Añ neh lòi wơl mê tòm Kret nàng mê rơndap ală broă òhềt sir, mơ pồ bơtào ală cau kwang kra tòm kòp nơm ƀòn dờng, jat be añ neh nting sồr mê:

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.