Broă 18:6 - Sră Goh 2018

⁶ Mơya ală bol hơ̆ tòmdră đơs tràl sơrbil, gen tàng Pol rtuh ào khai mơ đơs lah: “Mhàm bol mê tuh wơl hơđang bồ bol mê! Ai đah mơ añ gen ò kòl glài; bơh tŭ do añ rơp lòt tus hơ làng bol bơdìh.”

Broă 18:6 ပူးပေါင်းရင်းမြစ်များ

II Samuel 1:16

Dabit đơs mơ khai lah: “Mhàm mê dê tuh wơl hơđang bồ mê! Bơr tòm mê dê neh lơh cơng tòmdră mơ mê, bơh mê neh đơs lah: ‘Añ neh tơnchơt cau geh bong mơñà Yàng Jehôwa dê.’”

I Ală Bơtau 2:33

Behơ̆ bơh mhàm bàr nă cau hơ̆ pal tơm wơl hơđang bồ Jôap bal mơ jơi bơtiàn khai dê jơl sùm sùm. Mơya đah mơ Dabit mơ jơi bơtiàn khai dê, hìu khai mơ sơbàn khai dê rơp geh bơta lơngap lơngai bơh Yàng Jehôwa gam sùm sùm.”

Nehemi 5:13

Añ kung rtuh ào añ mơ đơs lah: “Cau lơi ò lơh jat jơnau ho gen dan Yàng Tom Trồ rtuh khai bơh hìu khai dê mơ bơh di sre brê khai dê, dan khai gơkòl rtuh tơlik behơ̆.” Gen jơh mpồl jơnum đơs: “Amen” mơ jòng ro Yàng Jehôwa. Làng bol lơh jat bơta bol khai neh ho.

Ejekiel 18:13

Khai ai cau càn jền mơ sa cồng kơnjơ̆ mơ ai jền cồng oă rlau. Cau lơh behơ̆ rơp geh kis sơl ơ? Ò, khai rơp ò geh kis! Tài bơh khai neh lơh jơh ală bơta cù kìr hơ̆, gen ngan la khai rơp kong chơt, mơ mhàm khai dê rơp ơm hơđang bồ khai.

Ejekiel 33:4

gen dilah cau lơi kơno ntas kơlwòk mơ ò bài dòp bơta tơnggit lài, mơ tŭ đào tus tơnchơt khai, gen mhàm bol khai rơp gơtuh hơđang bồ bol khai dê.

Ejekiel 33:6

Mơya dilah cau drơng kơp gàr gŏ đào tus mơ ò uh kơlwòk nàng yal tơnggit lài làng bol in, mơ đào tus tơnroh bơta kis dô êt nă cau tòm bol khai, gen ală cau hơ̆ rơp kong chơt tài bơh tồi glài bol khai dê; mơya Añ rơp lùp mhàm bol khai tòm tê cau drơng kơp gàr.’

Lebi 20:9

Dilah cau lơi srat rma bèp hala mè khai dê gen cau hơ̆ pal kong tơnchơt. Khai neh srat rma bèp khai dê hala mè khai dê, mhàm khai rơp tuh wơl hơđang bồ să tòm khai dê.

Mathiơ 10:14

Cau lơi ò wă rò bol mê hala ò iat jơnau bol mê, tŭ lik bơh hìu hơ̆ hala bơh ƀòn dờng hơ̆, gen rtuh tĕ thul bơh di jơng bol mê dê.

Mathiơ 21:41

Bol khai ho Kơnràñ lah: “Cau tòm rơp tơnroh bol iơh bơsak hơ̆ dô bă kơnjơ̆ ngan, mơ ai cau lơh suơn ndai in ơpah suơn hơ̆, la cau rơp ai khai in plai di kơnhai gơ dê.”

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Mathiơ 22:10

Ală cau dĭ lòt làm ală gùng me pơjum jơh ală cau bol khai tìp, cau iơh bal mơ cau niam, behơ̆ ơdŭ sa tòmbau bềng cau nac.

Mathiơ 27:25

Jơh làng bol ho lah: “Dan mhàm Khai tuh hơđang bol hi mơ kòn sau bol hi dê!”

Mathiơ 8:11

Añ đơs mơ bol mê, gơs oă cau bơh đah mattơngai lik mơ đah mattơngai mut rơp tus nggui sa bal mơ Abraham, Isak mơ Jakôp tòm lơgar đang trồ.

Luka 22:65

Bol hơ̆ ai oă jơnau ndai nàng dơñŏ tơnhial di Kơnràñ.

Luka 9:5

Dilah cau lơi ò wă rò bol mê, gen tòm tŭ lik bơh ƀòn dờng hơ̆, rtuh tĕ thul bơh di jơng bol mê nàng lơh cơng pơrlơ̆ di bol khai.”

Broă 13:51

Bàr nă bol khai rtuh thul di mpàng jơng nàng tòmdră di bol hơ̆, lồc behơ̆ lòt tus hơ Ikôni.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Rôma 3:29

Hala Yàng Tom Trồ mìng la Yàng Tom Trồ làng bol Juda dê lơm ơ? Kung ò di la Yàng Tom Trồ làng bol bơdìh dê sơl ò ơ? Ơi, ngan behơ̆.

I Timôthe 5:22

Bañ sơrbac sơrbang ơn tê hơđang cau lơi, bañ ƀư di broă tồi glài cau ndai dê, kơrmap tĕ să he sàng goh.

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.

I Pier 4:4

Bol khai gŏ oh mi tŭ do ò jat bol khai lơh bơta gơlềng gơlàng ală alai hơ̆, gen bol khai ai lơh krơi mơ đơs iơh di oh mi,