Broă 18:4 - Sră Goh 2018

⁴ Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 18:4 ပူးပေါင်းရင်းမြစ်များ

Sơnròp Gơlik Gơs 9:27

Dan Yàng Tom Trồ pò ơnàng ù tiah Japhet in, mơ khai rơp ơm tòm sàl Sem dê, mơ Kanaan pal lơh dĭ Japhet in!”

II Yal Yau 32:11

Ò di la Ejekia neh tề lam bol mê lòt tìs, mơ jào bol mê tòm bơta chơt bơh bơta jơgloh rung mơ tơhìr, tòm tŭ khai đơs mơ bol mê lah: ‘Jehôwa Yàng Tom Trồ bol he dê rơp dong bol he bơh di tê bơtau Asiri’ hơ̆ sơl ơ?

Luka 16:31

Abraham đơs lah: ‘Dilah bol khai ò bài iat Môise mơ ală cau gơnoar hwơr, gen bulah gơs cau kis wơl bơh bơta chơt, bol khai kung ò bài iat sơl.’”

Luka 4:16

Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră.

Jang 7:35

Behơ̆ ală cau Juda đơs bal lah: “Ntềng đah Khai rơp lòt mơ he jòi ò bàn taih? Khai rơp lòt tus hơ ală cau Juda nrah nring tòm ƀòn cau Grek mơ bơto làng bol Grek sơl ơ?

Broă 13:14

Bơh Perje bol khai kư̆ lòt gùng tus hơ Antiôt ƀòn dờng Pisidi; tus di ngai Saƀat, bol khai mut nggui tòm hìu jum cau Juda.

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 18:13

mơ yă lah: “Cau do bơchồt làng bol duh khoai Yàng Tom Trồ tìs mơ bơta boh lam.”

Broă 18:19

Tus hơ Ephesô rau, gen Pol lòi bol khai ơm tềng hơ̆. Ai să tòm khai gen mut tòm hìu jum cau Juda tòmbơyai mơ ală cau Juda.

Broă 19:26

Ală oh mi gŏ mơ kơno lah ò di mìng tòm Ephesô lơm ò, mơya kung mòr jơh kơnhwàl Asia sơl, Pol do neh bơchồt mơ lơh pơrlơ̆ nùs oă cau, mơ đơs lah ală yàng bơh tê cau lơh gơs gen ò di la yàng.

Broă 19:8

Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 26:28

Bơtau Agrippa đơs mơ Pol lah: “Mê bơto pơndòm dô êt hơ̆ mơ tồnlah lơh añ in gơlik Cau Krist dê ơ?”

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Broă 9:20

Sol ơm wơl tòm bàr pe ngai bal mơ ală cau bơtê tòm Damas. Khai bơto yal mo tòm ală hìu jum lah Yàng Jesu la Kòn Yàng Tom Trồ dê.

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.