Broă 18:18 - Sră Goh 2018

¹⁸ Pol gam ơm jŏ ngai bal mơ cau dòn tòm Kôrintô, lồc behơ̆ tơngac ală cau dòn, hào ơhò bal mơ Prissil mơ Akila, lòt hơ lơgar Siri, tơnơ̆ mơ tŭ neh koah sŏ tòm Senkre, bơh khai neh gơs jơnau ho pơgon.

Broă 18:18 ပူးပေါင်းရင်းမြစ်များ

Khà Làng Bol 6:18

Gen di di tiah mut tòm Sàl Tòm Mat, cau Nasire pal koah sŏ mơ khai neh ơn is sàng goh. Khai pal ai sŏ mơ ơn gơtòm ồs hơđơm phan ơn duh khoai bơta ring lơngai dê.

Khà Làng Bol 6:2

“Yal tĕ mơ ală cau Israel in mơ đơs mơ bol khai lah: ‘Dilah dô nă cau klau hala dô nă cau ùr kòñ srat să ho nền dô bơta krơi is mơ òs gơs, hơ̆ la bơta srat să ho nền ơn is Yàng Jehôwa in lơh gơs dô nă cau Nasire,

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Jơnau Niam Jat Mak 6:46

Dơ̆ Kơnràñ neh tơngac làng bol rau gen guh hơđang mơnơm nàng hòi dan.

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Broă 15:23

Bal mơ sră pơyoa be tơnơ̆ do: “Bol hi, la cau gơnoar bơto dờng mơ ală cau kwang kra, mơ oh mi, oh mi dê pơyoa jơnau còp să ală oh mi cau làng bol bơdìh tòm Antiôt, Siri mơ Silisi.

Broă 15:41

Pol lòt làm jơh Siri mơ Silisi, lơh ală Hìu Jum Goh in geh kơ̆ nền mơ pràn kơldang.

Broă 18:2

Tềng hơ̆, khai tìp mơ dô nă cau Juda, sơnđan la Akila, khai deh tòm ƀòn Pontus, bal mơ bau ùr la Prissil pa tus bơh lơgar Itali, tài bơh bơtau Claudius neh sồr jơh ală cau Juda pal lik bơh Rôma. Pol dah còp bol khai,

Broă 18:26

Khai sơntòm bơto yal dô bă khin cha tòm hìu jum cau Juda. Dơ̆ Prissil mơ Akila kơno khai bơto gen cèng khai rê hìu mơ bol khai, mơ yal Gùng Duh Khoai Yàng Tom Trồ dê tòm toh rlau tai khai in.

Broă 18:27

Tòm tŭ Apôlôs lơh nền lòt hơ lơgar Acai, gen ală cau dòn tòm Ephesô dong kòl khai cih sră pơyoa ală cau dòn in tòm Acai sồr wă rò khai. Tòm tŭ neh tus rau, gen khai dong kòl oă ngan ală cau neh kơnòm di bơta nđàc mơ gơlik gơs cau dòn.

Broă 21:23

Behơ̆ do la bơta bol hi kòñ bi lơh: Bol hi gơs poan nă cau neh gơkòl jơnau ho pơgon;

Broă 21:24

cèng tĕ poan nă cau hơ̆ lòt, lơh bơta sàng goh bal mơ bol khai, mơ kong ai jền bol khai in koah sŏ. Behơ̆ gen, tơl nă cau rơp git lah ală bơta bol khai neh kơno pơnro bơh bi la ò ngan, mơya git lah să tòm bi kung prap gàr bơta boh lam sơl.

Broă 21:3

Tòm tŭ bol hi gŏ bồt pơlào Ciprus gen lòt đah hơđơm gơ, mơ kư̆ lòt song hơ Siri, ơm dơh tòm Tirơ, tài bơh tềng hơ̆ pal tă tơlik ală phan mơna bơh ơhò.

Rôma 16:1

Añ yal lài oh mi in bơh Phebe bi ùr bol he dê, la cau ùr dong gàr Hìu Jum Goh Senkre dê.

I Kôrintô 9:20

Gơwèt mơ cau Juda, añ gơlik gơs be cau Juda tồ geh cau Juda. Gơwèt mơ cau ơm hơđơm bơta boh lam, bulah să tòm añ ò ơm hơđơm bơta boh lam, gen añ kung be cau ơm hơđơm bơta boh lam tồ geh cau ơm hơđơm bơta boh lam.

Galati 1:21

Tơnơ̆ tai añ lòt tơn tòm ală kơnhwàl lơgar Siri mơ Silisi.