Broă 17:2 - Sră Goh 2018

² Jat bơta òs mòng Pol tus hơ hìu jum cau Juda dê, mơ tòm pe ngai Saƀat khai tòmbơyai bal mơ bol hơ̆,

Broă 17:2 ပူးပေါင်းရင်းမြစ်များ

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Luka 4:16

Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră.

Jang 18:20

Yàng Jesu ho lah: “Añ neh đơs loh làng mơ dunnia, Añ òs bơto sồr sùm tòm hìu jum mơ tòm hìu duh khoai, la tiah jơh ală cau Juda pơjum, Añ ò đơs bơta lơi ndơp ndơr ò.

Broă 13:14

Bơh Perje bol khai kư̆ lòt gùng tus hơ Antiôt ƀòn dờng Pisidi; tus di ngai Saƀat, bol khai mut nggui tòm hìu jum cau Juda.

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 17:10

Tòm mang hơ̆ mo, ală cau dòn jun Pol mơ Sila tus hơ Bere. Neh tus tềng hơ̆ rau, bol khai mut tòm hìu jum cau Juda dê.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 19:8

Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Broă 8:35

Behơ̆ Philip pò bơr rơp sơntòm bơh tap Sră Goh hơ̆ mơ bơto yal Jơnau Niam bơh Yàng Jesu khai in.

Broă 9:20

Sol ơm wơl tòm bàr pe ngai bal mơ ală cau bơtê tòm Damas. Khai bơto yal mo tòm ală hìu jum lah Yàng Jesu la Kòn Yàng Tom Trồ dê.

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

I Samuel 12:7

Gen tàng tŭ do, ntào tĕ tềng do nàng añ yă bol mê di đap Yàng Jehôwa, mơ añ rơp yal loh bol mê in bơh jơh ală broă gơnap gơnoar mơ Yàng Jehôwa neh lơh nàng dong tă bol mê mơ ală ồng pàng bol mê dê.