Broă 17:18 - Sră Goh 2018

¹⁸ Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:18 ပူးပေါင်းရင်းမြစ်များ

Jơnau Pơnđik 23:9

Bañ đơs tòm tồr cau tùl gơla; bơh khai sền òsơp bơta jak chài ală jơnau đơs kòn dê.

Jơnau Pơnđik 26:12

Kòn neh gŏ cau lơi jak chài jat mat khai sơl? Gam gơs bơta gơn kơnòm cau tùl gơla in rlau mơ khai.

Jơnau Niam Jat Mak 9:14

Tŭ Yàng Jesu bal mơ pe nă cau bơtê hơ̆ tus hơ ală cau bơtê ndai, gen gŏ mpồl làng bol oă gòm gùt dar, mơ ală cau bơto bơta boh lam tòm pơndang bal mơ ală cau bơtê hơ̆.

Luka 11:53

Dơ̆ Yàng Jesu lik bơh tềng hơ̆ rau, ală cau bơto bơta boh lam mơ ală cau Pharisi ntềt di Kơnràñ, chồl bơrcek Kơnràñ đơs oă bơta tai,

Broă 26:23

hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

Broă 4:2

Bol khai sơềt sơềl tòm nùs bơh bàr nă cau gơnoar bơto dờng bơto làng bol mơ yal bơh Yàng Jesu gơs bơta kis wơl bơh bơta chơt, bơta hơ̆ lơh cơng lah cau chơt rơp geh kis wơl.

Broă 5:42

Kòp ngai tòm hìu duh khoai hala bơh hìu do tus hìu ne, bol khai kư̆ bơto mơ bơto yal sùm bơh Yàng Jesu la Bơtau Krist.

Broă 6:9

Tŭ hơ̆ gơs mpồl cau tòm hìu jum sơnđan la hìu jum bơnòr khat gơboh dê, bal mơ cau Siren mơ cau Aleksandria dê, mơ ală cau Juda ơm tòm lơgar Silisi mơ lơgar Asi, ntào pơndang mơ Etien.

Rôma 1:22

Bol khai sơnđan is să he la jak chài, mơya gơlik gơs tùl gơla.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.