Broă 16:1 - Sră Goh 2018

¹ Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

Broă 16:1 ပူးပေါင်းရင်းမြစ်များ

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Broă 14:21

Tòm tŭ bàr nă cau gơnoar bơto dờng neh sir bơto Jơnau Niam tòm ƀòn dờng hơ̆ rau, mơ lơh oă cau gơlik gơs cau bơtê, gen rê wơl hơ Listrơ, Ikôni mơ Antiôt,

Broă 14:6

Kơno jơnau hơ̆, bàr nă cau gơnoar bơto dờng pleh lòt hơ Listrơ mơ Derbơ, la ală ƀòn dờng gơrê bal mơ Likaôni mơ ală kơnhwàl gùt dar hơ̆,

Broă 17:14

Tŭ hơ̆ mo ală cau dòn jun Pol lòt hơ đah dàlềng, ai Sila mơ Timôthe gen ơm wơl tòm Bere.

Broă 18:5

Tòm tŭ Sila mơ Timôthe tus bơh lơgar Masedoan, Pol ơn jơh tŭ tơngai khai dê nàng bơto yal jơnau Yàng dê, mơ lơh cơng bơh cau Juda in lah Yàng Jesu la Bơtau Krist.

Broă 19:22

Khai sồr bàr nă cau dong broă khai la Timôthe mơ Erastus lòt lài hơ Masedoan, ai să tòm khai gen gam ơm tòm kơnhwàl Asia dô êt tai.

Rôma 16:21

Timôthe, la cau bơyô lơh broă bal mơ añ, còp să oh mi; Lusius, Jasôn mơ Sôsipater la cau gơp bơtiàn añ kung behơ̆ sơl.

I Kôrintô 16:10

Dilah Timôthe tus, dong kòl tĕ khai nàng ơm bal mơ oh mi dô bă niam, bơh khai duh broă Yàng kung be añ sơl.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

II Kôrintô 1:19

Bơh Kòn Yàng Tom Trồ la Yàng Jesu Krist mơ bol hi, hơ̆ la añ mơ Silwan mơ Timôthe, neh bơto yal digùl oh mi, ò di đơs ƀà di ƀà ò; mơya tòm Kơnràñ mìng gơs bơta di lơm.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

Philip 2:19

Añ gơn kơnòm di Yàng Jesu, añ kơp kòñ sồr Timôthe mhar tus hơ oh mi tồ añ in geh iang tòm nùs tòm tŭ kơno ală bơta bơh oh mi.

Kôlôse 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, mơ Timôthe la oh mi bol he dê,

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 3:2

mơ sồr Timôthe la oh mi bol hi dê, la cau duh broă Yàng Tom Trồ tòm Jơnau Niam Bơtau Krist dê, lòt nàng lơh oh mi in geh kơ̆ nền mơ chồl pơndòm bơta dòn oh mi dê,

I Tesalônika 3:6

Tŭ do Timôthe pa rê wơl bơh di oh mi, khai yal wơl bol hi in jơnau niam bơh bơta dòn mơ nùs kòñ gơboh oh mi dê. Mơ khai yal lah oh mi òs kơlôi kah bol hi dô bă niam ngan, jơh nùs kơp kòñ tòmtìp mơ bol hi, kung be bol hi jơh nùs kơp kòñ tòmtìp mơ oh mi sơl.

II Tesalônika 1:1

Pol, Silbanus mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp bol he dê, mơ tòm Yàng Jesu Krist:

I Timôthe 1:18

Ơ Timôthe kòn añ, jat be jơnau gơnoar hwơr neh sơnio bơh mê lài òr, añ cèng jơnau bơto kràñ cê do jào mê in, tồ mê in kơnòm di jơnau hơ̆ nàng tòmlơh bơta tòmlơh khin cha,

I Timôthe 1:2

pơyoa Timôthe in la kòn tòm añ jê tòm bơta dòn: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê!

II Timôthe 1:2

Pơyoa Timôthe in la kòn kòñ gơboh añ jê: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê.

II Timôthe 1:5

Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.

Philemôn 1:1

Pol, cau ơm jàm Yàng Krist Jesu dê, mơ Timôthe, oh mi bol he dê pơyoa Philemôn in, la cau kòñ gơboh mơ la cau bơyô lơh broă bal mơ bol hi,

Hebrơ 13:23

Oh mi pal git lah Timôthe la oh mi bol he dê neh geh hồ toh rau; dilah khai tus gòñ, gen añ mơ khai rơp lòt còp oh mi.