Broă 15:8 - Sră Goh 2018

⁸ Yàng Tom Trồ la Bơtau git nùs tơl nă cau, neh lơh cơng Kơnràñ dòp rò bol khai tòm tŭ ai Yàng Hwềng Goh bol khai in kung be ai bol he in sơl.

Broă 15:8 ပူးပေါင်းရင်းမြစ်များ

I Ală Bơtau 8:39

gen dan Yàng hơđang trồ, la tiah Yàng ơm, iat tĕ, toh glài, lơh broă, mơ tơm wơl kòp nă jat be broă bol khai neh lơh, bơh ngan mìng dô nă Yàng lơm git loh nùs kòn mơnus dê,

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 20:12

Mơya, khoai Yàng Jehôwa Gơnap Gơnoar! Kơnràñ lòng cau song ring, Kơnràñ sền gŏ tòm nùs mơ tòm dơngoh, Dan lòi añ in sền gŏ Kơnràñ sal tê di bol khai, bơh añ neh yal broă añ Kơnràñ in.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 5:37

Să tòm Bèp la Bơtau neh sồr Añ lòt tus kung lơh cơng bơh Añ. Bol mê òhềt tŭ lơi kơno jơnau đơs Kơnràñ, kung òhềt tŭ lơi gŏ rùp să Kơnràñ dê.

Broă 1:24

Lồc behơ̆ bol khai hòi dan lah: “Khoai Yàng, Kơnràñ git nùs tơl nă cau, dan Yàng sơnio bol hi in tòm bàr nă cau do, ñcau la cau Yàng neh sac rwah,

Broă 10:47

Tŭ hơ̆ Pier đơs tai lah: “Ñcau rgơi kơryan lơh ƀaptem mơ dà, ală cau do in la cau neh dòp geh Yàng Hwềng Goh kung be bol he taih?”

Broă 14:3

Bulah behơ̆, Pol mơ Banaba ơm wơl tềng hơ̆ jŏ ngai, mơ bơto yal bơh Yàng dô bă khin cha, mơ Yàng ngui tê bol khai lơh gơs ală bơta krơi tềl is, nàng lơh cơng di ngan jơnau bơta nđàc Kơnràñ dê.

Broă 15:28

Bơh Yàng Hwềng Goh mơ bol hi neh dô nùs bal ò di tơnàñ kơnjơ̆ tai oh mi in rlau mơ ală bơta pal càng do:

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”