Broă 13:34 - Sră Goh 2018

³⁴ Yàng Tom Trồ neh lơh Yàng Jesu in kis wơl bơh bơta chơt, ò tŭ lơi ồm lề, be jơnau Kơnràñ neh đơs: ‘Añ rơp ai bol mê in ală bơta lơngai lơngò sàng goh, nền cê mơ Añ neh ho pơgon mơ Dabit.’

Broă 13:34 ပူးပေါင်းရင်းမြစ်များ

II Samuel 23:5

Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Broă 13:30

Mơya Yàng Tom Trồ neh lơh Kơnràñ in kis wơl bơh bơta chơt.

Broă 13:33

lah Kơnràñ neh lơh gơlik di ngan jơnau ho pơgon hơ̆ bol he in la kòn sau bol khai dê, tòm tŭ lơh Yàng Jesu in kis wơl, be neh cih tòm sră Đơs Crih tap bàr lah: ‘Mê la Kòn Añ, Ngai do Añ neh tơnggơs mê.’

Broă 13:37

Ai Bơtau mơ Yàng Tom Trồ neh lơh kis wơl gen ò gŏ bơta ồm lề ò.

Broă 2:24

Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Rôma 6:9

bơh git lah Bơtau Krist neh kis wơl bơh bơta chơt, gen ò gơs tŭ lơi chơt tai, bơta chơt ò geh at bồ hơđang Kơnràñ tai ò.