Broă 13:2 - Sră Goh 2018

² Tòm tŭ bol khai ơm duh khoai Yàng mơ ơt sa, gen Yàng Hwềng Goh đơs lah: “Ơn is tĕ Banaba mơ Sol tòm broă lơh Añ neh hòi sac bol khai.”

Broă 13:2 ပူးပေါင်းရင်းမြစ်များ

I Yal Yau 16:4

Bơtau pồ bơtào cau ƀà tòm ală cau Lebi nàng duh broă di đap Đài Bơta Ho Bal Yàng Jehôwa dê, nàng hòi dan, ưnngài mơ jòng ro Yàng Jehôwa la Yàng Tom Trồ Israel dê.

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Mathiơ 17:21

Ală jơi cà do dilah ò hòi dan mơ ơt sa gen ò gơs cau lơi rgơi bơtrơh gơ.]

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 9:38

Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.”

Luka 10:1

Tơnơ̆ mơ ală broă hơ̆ Yàng sac rwah poh jơt nă cau bơtê ndai, sồr lòt dô yô dô yô lài mơ Kơnràñ, mut tòm ală ƀòn dờng mơ ală tiah mơ să tòm Kơnràñ rơp lòt tus.

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 10:19

Pier gam ơm kơlôi bơh bơta gơtơnggŏ hơ̆ gen Yàng Hwềng đơs mơ khai lah: “Ne gơs pe nă cau ơm jòi mê.

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Broă 13:3

Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Broă 13:4

Geh Yàng Hwềng Goh sồr lòt, Sol mơ Banaba mù hơ Selơsi, bơh tềng hơ̆ hào ơhò tus hơ bồt pơlào Ciprus.

Broă 14:26

Bơh tềng hơ̆, bol khai hào ơhò tus hơ Antiôt, la tiah bơh lài bol khai geh jào bơta nđàc Yàng Tom Trồ in nàng lơh broă bol khai pa lơh sir.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 22:21

Yàng đơs mơ añ lah: ‘Lòt tĕ, bơh añ rơp sồr mê lòt tus hơ ală làng bol bơdìh tòm tiah ngài.’”

Broă 4:36

Behơ̆ gơs dô nă cau Lebi, deh tòm Ciprus, sơnđan khai la Jôsep, ală cau gơnoar bơto dờng sơnđan khai la Banaba, (geh gơtha la kòn klau bơta pơndòm pơniang dê),

Broă 6:4

Ai bol hi rơp mìng ơn nùs hòi dan mơ bơto yal jơnau Yàng.”

Broă 8:29

Yàng Hwềng đơs mơ Philip lah: “Tus tĕ rềp mơ lòt jat rơndeh hơ̆.”

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

I Kôrintô 12:11

Mơya gơs mìng dô nă Yàng Hwềng lơh jơh ală broă hơ̆, mơ tòmpà kòp nă cau in jat nùs kòñ Kơnràñ dê.

I Kôrintô 7:5

Bañ ò ròm bal, mìng dilah tòm bàr nă gơs bơta tòmbơyai bal, nàng lòi tŭ hòi dan mơ Yàng dô êt jŏ; gen rê wơl bal, rngòt cà Satan bơh bơta hơ̆ mơ ơniai oh mi mòn.

II Kôrintô 11:27

kong bòl kong glar, oă dơ̆ drơng mang, kong jơgloh tơhìr, oă dơ̆ ơt sào, kong noat mrềt mơ ơm kuh lòi rồ.

II Kôrintô 6:5

pù ơlih, ơm jàm, sơlồng sơlàng, kong bòl glar lơh broă, ò geh bic, kong jơgloh;

Galati 1:15

Mơya dơ̆ Yàng Tom Trồ, la Bơtau neh ơn is añ bơh tòm kơndul mè, mơ ai bơta nđàc hòi sac añ nàng duh broă Kơnràñ,

Ephesô 3:7

Ai añ neh geh lơh gơs cau gơnoar duh broă Jơnau Niam hơ̆ dê, jat be bơta nđàc ai gòi Yàng Tom Trồ dê, mơ Kơnràñ neh ai añ in jat bơta lơh broă gơnap gơnoar Kơnràñ dê.

Yal Wơl 10:8

Tòm tŭ hơ̆ Yàng Jehôwa ơn is jơi bơtiàn Lebi nàng tùng Đài Bơta Ho Bal Yàng Jehôwa dê, nàng ntào di đap Yàng Jehôwa duh broă mơ ai lơngai tòm sơnđan Kơnràñ dê kung be bol khai gam lơh jơl tus ngai do.

Kôlôse 4:17

Đơs tĕ mơ Acip lah: “Kơrhia tĕ lơh wil tơl gơnoar broă mơ bi neh dòp bơh Yàng.”

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:11

Bơh Jơnau Niam hơ̆ tàng añ neh geh pồ bơtào lơh gơs cau bơto Jơnau Niam, cau gơnoar bơto dờng mơ cau bơto;

II Timôthe 2:2

Ală bơta mê neh kơno bơh añ di đap oă cau lơh cơng, jào tĕ ală cau di pal gơn kơnòm in, la ală cau chài rgơi bơto sồr cau ndai.

II Timôthe 4:11

Gơs mìng dô nă Luka lơm ơm mơ añ. Cèng tĕ Mak lòt bal mơ mê, bơh khai gơs kwơ ngan añ in tòm gơnoar broă.

II Timôthe 4:5

Mơya mê git kơrhia tĕ tòm jơh ală bơta, kong bòl glar, lơh broă cau bơto yal Jơnau Niam dê, lơh dô bă wil tơl gơnoar broă mê dê.

Hebrơ 5:4

Mơ bơta ryŭ ryơm hơ̆ ò gơs cau lơi jòi is he in, mơya pal geh Yàng Tom Trồ hòi sac, kung be Arôn òr nau.

I Samuel 2:11

Gen Elkana rê hìu tòm Rama, mơya cau kơnòm dềt ơm duh broă Yàng Jehôwa, di đap mat Heli la cau gơnoar ơn phan duh khoai.