Broă 13:10 - Sră Goh 2018

¹⁰ “Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Broă 13:10 ပူးပေါင်းရင်းမြစ်များ

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

II Yal Yau 17:6

Nùs khai geh chồl bơtrut tòm gùng dà Yàng Jehôwa dê; mơ rlau mơ hơ̆ tai khai neh tă sang ală tiah jơnhoa mơ ală jrong duh khoai Asera tòm Juda.

Cau Bơto 9:3

Do la dô bơta iơh gơlik gơs hơđơm mattơngai, hơ̆ la kòp nă cau lơh nền rài kis is ndròm bal, gen tàng nùs kòn mơnus bềng lìu bơta iơh, bơta sơnrang sơnrồng ơm tòm nùs bol khai tòm tŭ gam kis, mơ tơnơ̆ mơ tŭ bol khai rê mơ cau chơt.

Jeremi 23:36

Tŭ hơ̆ bañ đơs ‘Ơnòng kơnjơ̆ Yàng Jehôwa dê tai;’ bơh jơnau đơs kòp nă cau dê rơp la dô nơm ơnòng kơnjơ̆ khai dê, bơh bol mê neh lơh tìs ală jơnau đơs Yàng Tom Trồ kis gam sùm dê, Yàng Jehôwa Gơnap Gơnoar, Yàng Tom Trồ bol he dê.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Luka 11:39

Mơya Yàng Jesu đơs mơ khai lah: “Do bol mê la ală cau Pharisi rào goh đah bơdìh mơngàn mơ prềng, mơya đah dơlam bol mê bềng lìu bơta sa kwà mơ iơh bơsak.

Luka 11:52

Bòl glar bol mê in la cau bơto bơta boh lam! Bơh bol mê prap kai mpồng bơta git jak dê; să tòm bol mê ò bài mut, mơ ală cau ndai kòñ mut gen bol mê kơryan kơrdơl.”

Jang 1:23

Khai ho lah: “Añ la jơnau cau hòi driau tòm ƀlàng bràs lah: ‘Bơsong tĕ gùng Yàng dê,’” be gơnoar hwơr Esai neh đơs.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

Galati 1:7

Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

II Pier 2:15

Bol khai neh sang gùng song mơ lòt tìs nrah, jat gùng Balaam kòn klau Beô dê, la cau hàm kòñ jền tơngai bơh broă iơh bơsak,

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.