Broă 12:5 - Sră Goh 2018

⁵ Behơ̆, tòm tŭ Pier kòl krơ̆ tòm hìu jàm, ai Hìu Jum Goh kư̆ jơh nùs hòi dan mơ Yàng Tom Trồ sùm khai in.

Broă 12:5 ပူးပေါင်းရင်းမြစ်များ

Mathiơ 18:19

Añ đơs tai mơ bol mê, dilah bàr nă tòm bol mê gơs dô nùs bal tòm ù mơ dan bơta lơi, gen Bèp Añ ơm hơđang trồ rơp lơh bol khai in bơta hơ̆.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Broă 12:12

Tòm tŭ khai dòp git bơta hơ̆, gen lòt tus hơ hìu Mari, mè Jang dê, kung sơnđan la Mak, la tiah gơs oă cau pơjum bal mơ hòi dan.

Broă 12:4

Tŭ hơ̆ la di di ală ngai Pơjum sa piang lă ò gơs kañ. Behơ̆ Herôt kup jàm Pier tòm hìu jàm, jào poan bơnòr ling in kơp gàr, kòp bơnòr gơs poan nă cau ling. Bơtau kòñ lòi rlau di ngai Pơjum sa Lòt Gan gen sồng tơlik khai di đap làng bol.

Broă 12:6

Tòm mang lài mơ ngai Herôt neh lơh nền tơlik Pier nàng cahrña, gen khai ơm bic digùl bàr nă cau ling mơ kòl kơt mơ bàr dang che sreng, mơ di bơr mpồng hìu jàm gơs cau ling kơp gàr.

I Kôrintô 12:26

Behơ̆, dilah dô pơnah lơi kong jê sồt, gen jơh ală pơnah ndai kong jê sồt bal mơ gơ, hala dilah dô pơnah lơi geh jòng ro, gen jơh ală pơnah ndai kung hòn chò bal mơ gơ.

II Kôrintô 1:11

Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

I Tesalônika 5:17

Hòi dan tĕ ò dơh.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.