Amôs 9:8 - Sră Goh 2018

⁸ Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.

Amôs 9:8 ပူးပေါင်းရင်းမြစ်များ

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Sơnròp Gơlik Gơs 7:4

Mơ gam poh ngai tai, Añ rơp ai dùh mìu tòm ù tòm poan jơt ngai mơ poan jơt mang, Añ rơp tơnroh bơh di ù jơh ală phan kis Añ neh crơng gơs.”

I Ală Bơtau 13:34

Bơh broă hơ̆ tàng neh gơlik gơs bơta tồi glài hìu Jerôbôam dê, gen tàng neh kong koh sang mơ kong tơnroh bơh hơđang ù.

Jơnau Pơnđik 15:3

Mat Yàng Jehôwa ơm làm bă tiah, sền sơwì cau iơh bơsak mơ cau lơbơn niam.

Jơnau Pơnđik 5:21

Bơh ală gùng dà kòn mơnus dê ơm di đap mat Yàng Jehôwa, Mơ Kơnràñ sền sơwì jơh ală gùng lòt bol khai dê.

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Jeremi 5:10

“Guh tĕ hơđang ală àr tòm ño khai dê mơ tơnroh; Mơya bañ lơh tơnroh jơh. Koh sang tĕ ală ntê gơ dê, Bơh bol khai ò gơrê bal mơ Yàng Jehôwa.

Sră Ôse 1:4

Gen Yàng Jehôwa đơs mơ khai lah: “Tơmoh tĕ sơnđan khai la Jejreel tài bơh gam dô êt jŏ tai gen Añ rơp lơh glài hìu nhă Jehu tài bơh bơta gơhòr mhàm tòm Jejreel, mơ Añ rơp tơnlồi lơgar bơtau Israel.”

Sră Ôse 1:6

Gômer bun tai mơ deh dô nă kòn ùr. Yàng Jehôwa đơs mơ Ôse lah: “Tơmoh tĕ sơnđan khai la Lôruhamah, tài bơh Añ rơp ò yal tơlik bơta kòñ gơboh dê làng bol Israel tai, mơ kung ò tai toh glài bol khai in!

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Amôs 7:17

Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Amôs 9:10

Jơh ală cau tồi glài tòm làng bol Añ jê rơp chơt bơh đào, hơ̆ la jơh ală cau đơs lah: ‘Rung rài rơp ò dùh hơđang bol he, hala tus rềp di bol he.’”

Amôs 9:4

Bulah bol khai gơkòl cau sò tơm kup cèng krơ̆ jàm, tềng hơ̆ Añ rơp sồr đào, mơ gơ rơp tơnchơt bol khai. Añ rơp ơn mat Añ sền hơđang bol khai nàng lơh tơnroh, ò di la bơta niam.”

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Yal Wơl 6:15

bơh Jehôwa Yàng Tom Trồ bol mê dê, Bơtau ơm digùl bol mê, la Yàng Tom Trồ ƀoah pơrñat mơ bơta gơjrañ dờng Kơnràñ dê rơp gơhào khuh tòmdră mơ bol mê, mơ Kơnràñ rơp tơnroh bol mê bơh di hơđang ù.