Amôs 9:2 - Sră Goh 2018

² Bulah bol khai tò jrô tòm tiah bơtô ƀồc, tềng hơ̆ tê Añ rơp tă tơlik bol khai; bulah bol khai hào guh tus hơđang trồ, Añ rơp cèng tơmù bol khai bơh tềng hơ̆.

Amôs 9:2 ပူးပေါင်းရင်းမြစ်များ

Sră Jop 20:6

Bulah bơta pơnhừ să bol khai dê guh jơnhoa be ală tap trồ, Mơ bồ khai ngŏ tus di ală mhwal,

Sră Jop 22:13

Gen tàng ồng đơs: ‘Ñchi bơta Yàng Tom Trồ git taih? Kơnràñ rgơi cahrña gan di bơta klam jơngo sơl ơ?

Sră Jop 24:23

Kơnràñ lòi bol khai ơm lơngai mơ kơlôi lah kơ̆ nền rau, Mơya gar mat Kơnràñ dê sền sơwì ală gùng dà bol khai dê.

Sră Jop 26:6

Lơgar làng ƀồc ơm kuh di đap Yàng Tom Trồ, Mơ lơgar brah tìng ò gơs phan jơm gòm.

Sră Jop 34:22

Ò gơs tiah jơngo, hala klam cik lơi tềng hơ̆ ală cau lơh iơh rgơi pồn să bol khai dê.

Esai 2:19

Mut tĕ tòm ală rgồng lŭ, mơ tòm ală trồm tòm ù nàng pleh klàs bơh di bơta rngòt rngơt Yàng Jehôwa dê, mơ bơh bơta gơklŏ mơ ryŭ ryơm Kơnràñ dê, tòm tŭ Kơnràñ guh nàng lơh rngòt rngơt plai ù.

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Jeremi 51:53

Bulah Babilôn rơp guh tus hơđang trồ, Bulah khai lơh theng jơnhoa ngan mơ kơ̆ cê, Bơh di Añ ală cau tơnroh rơp tus brồ lơh hơđang gơ,” Yàng Jehôwa đơs behơ̆.

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 31:14

Behơ̆, bơh tŭ do ò gơs tòm chi lơi hòn di gah dà rgơi hòn dờng jơnhoa, hala ơn cồng gơ digùl ală mhwal, mơ ò gơs chi geh tuh oă dà behơ̆ rgơi guh tus hơ tiah jơnhoa behơ̆. Jơh ală bol gơ neh kòl jào bơta chơt in tòm tiah hơđơm plai ù, bal mơ kòn mơnus, bal mơ ală cau hơ̆ mù tòm trồm jrô.’

Apdia 1:4

Bulah mê par jơnhoa hơđang kung be klàng bung, bulah mê lơh rsòn mê dê digùl ală sơmañ, Añ kung rơp cèng tơmù mê bơh tềng hơ̆,” Yàng Jehôwa đơs behơ̆.

Luka 10:18

Kơnràñ đơs mơ bol khai lah: “Añ neh gŏ cà Satan bơh đang trồ dùh be puhlèp.