Amôs 9:14 - Sră Goh 2018

¹⁴ Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Amôs 9:14 ပူးပေါင်းရင်းမြစ်များ

Đơs Crih 107:37

Bol khai sih gar tòm sre mơ tam chi ño, Sre mơ suơn ño tơnggơs plai đo.

Đơs Crih 53:6

Ôih, bơta dong tă Israel dê rơp tus bơh Siôn! Tòm tŭ Yàng Tom Trồ bơtào wơl làng bol Kơnràñ dê, Gen Jakôp rơp hòn chò mơ Israel chò hòp.

Esai 60:4

Pò tĕ mat mê dê mơ sền gùt dar: Jơh tơl nă pơjum bal mơ lòt tus hơ mê; ală kòn klau mê dê tus bơh tiah ngài, mơ ală kòn ùr mê dê rơp geh ròng kơnđu tòm tơwòr tê.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Esai 65:21

Bol khai rơp bơt ală hìu mơ ơm tòm hơ̆; bol khai rơp tam ală suơn ño mơ sa plai gơ dê.

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 16:15

Mơya: ‘Ngan kung be Yàng Jehôwa gam kis sùm, la Bơtau neh cèng kòn sau Israel lik bơh đah đang, mơ bơh ală lơgar mơ bol khai neh kong bơtrơh.’ Añ rơp lam bol khai rê wơl tòm lơgar mơ Añ neh ai ồng pàng bol khai in.”

Jeremi 23:8

Mơya đơs lah: ‘Ngan kung be Yàng Jehôwa kis sùm, hơ̆ la Bơtau neh cèng mơ tề lam ală kòn sau Israel rê wơl bơh đah đang mơ bơh ală lơgar Añ neh bơtrơh bol khai.’ Gen bol khai rơp ơm tòm lơgar tòm bol khai dê.”

Jeremi 24:6

Añ rơp ơn mat Añ hơđang bol khai sùm, mơ Añ rơp cèng bol khai rê wơl tòm lơgar do, bơtào gơs mơ ò phà tai, tam wơl mơ ò dus sang tai.

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 30:18

Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Jeremi 31:28

Kung be Añ neh sền gàr bol khai, nàng dus, phà tơrlah, tuh tơlup, tơnroh, mơ lơh bòl glar mbe lơi, gen Añ kung rơp sền gàr nàng bơt bơtào, tam wơl kung behơ̆,” Yàng Jehôwa đơs behơ̆.

Jeremi 31:5

Bol ai rơp tam suơn ño wơl; Hơđang ală mơnơm Samari dê, Ală cau tam chi rơp tam Mơ rơp hòn chò pic plai.

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Ejekiel 16:53

Bulah behơ̆, Añ rơp bơtào wơl sre brê Sôdôm mơ ală kòn ùr khai in, Samari mơ ală kòn ùr khai in, mơ sre brê ai dê bal mơ bol khai,

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”

Ejekiel 37:21

mơ đơs mơ bol khai lah: Jehôwa Yàng Tom Trồ đơs be do: ‘Añ rơp tă tơlik kòn sau Israel bơh digùl ală lơgar mơ bol khai neh lòt tus. Añ rơp pơjum tơrgòm bol khai bơh di jơh ală tiah gùt dar, mơ cèng bol khai rê wơl tòm lơgar tòm bol khai dê.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Sôphôni 1:13

Phan mơna bol khai dê rơp kòl tòmpìt, ală hìu tum bol khai dê lòi srau gòi. Bol khai rơp bơt ală hìu mơya ò geh ơm tòm hơ̆; bol khai rơp tam ală suơn ño mơya ò geh ñô tơrnòm.”

Sôphôni 2:7

Tiah di gah dàlềng rơp gơrê bal mơ ală cau gam wơl hìu Juda dê; tềng hơ̆ bol khai ê mpồl belàt, tòm trồ mang bol khai rơp bic rlô tòm ală hìu Askalôn dê. Bơh Jehôwa Yàng Tom Trồ bol khai dê rơp kơlôi rcang bol khai in, Kơnràñ rơp cèng brê wơl ală cau kong pơrdô bol khai dê.