Amôs 9:13 - Sră Goh 2018

¹³ Yàng Jehôwa đơs lah: “Ală ngai rơp tus, tòm tŭ cau lơòr rơp jat bàn cau toès, cau pơrjă plai ño jat bàn cau tam ño. Tơrnòm pa rơp ñhat bơh di ală mơnơm, mơ hòr lik bơh di ală dòr.

Amôs 9:13 ပူးပေါင်းရင်းမြစ်များ

Sơnròp Gơlik Gơs 49:11

Khai kơt alàng dra khai dê di tòm ño, mơ kơt alàng kòn khai dê di ntê ño niam rlau jơh, Khai pìh ào khai tòm tơrnòm, Mơ ào jrùh khai tòm mhàm ño.

Đơs Crih 97:5

Ală mơnơm gơhòr lề be jrềng di đap Yàng Jehôwa, Di đap Yàng jơh plai ù dê.

Esai 16:10

Bơta chò hòp chò hòn neh tă tơlik bơh ală suơn sa plai; mơ tòm suơn ño ò gơs cau lơi đơs chò hala driau chò; ò gơs cau lơi pơrjă plai ño tòm tiah mpal pat tơrnòm, bơh Añ neh pơndut jơnau driau chò ală cau pơrjă ño dê.

Esai 55:13

Chi nho rề rơp hòn ala rlau lò, mơ chi bơñàng rơp hòn ala ală lò. Bơta hơ̆ rơp lơh pơnro sơnđan Yàng Jehôwa, lơh gơs dô nơm tềl gam sùm sùm ò tŭ lơi kòl tơnroh.”

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”

Ejekiel 36:35

Bol khai rơp đơs lah: “Ù tiah lòi srau do neh gơlik gơs kung be suơn Eden; ală ƀòn dờng tơrlah tơrlơm, sang lòi ngềt ngơt, mơ gơkòl tơnroh, tŭ do neh geh bơtào kơ̆ mơ gơs làng bol ơm!”

Jôel 2:24

Ală làn kòi rơp bềng lìu kòi, ală yang dờng rơp bềng lìu tơrnòm mơ mơñà.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.

Jôel 3:20

Mơya Juda rơp gơs cau ơm gam sùm sùm mơ Jerusalem rơp gam tus jơl jơh ală rài.

Lebi 26:5

Kơnhai pơrjòt kòi bol mê dê rơp pơnjat tus kơnhai pic plai ño, mơ kơnhai pic plai ño rơp pơnjat tus di kơnhai tam gơ, mơ bol mê rơp sa jơh ală phan sa bol mê kòñ mơ ơm kis lơngap lơngai tòm lơgar bol mê dê.

Amôs 9:5

Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Jang 4:35

Bol mê ò di đơs lah: ‘Gam poan kơnhai tai gen tus di kơnhai toès ơ?’ Do, Añ đơs mơ bol mê: ‘Pò tĕ mat mơ tơnggòr sền ƀlàng sre neh dum, di di kơnhai toès rau.

Ală Kwang Cahrña 5:5

Ală mơnơm gơlơnggơr di đap Yàng Jehôwa, Bơtau Sinai dê, di đap Jehôwa la Yàng Tom Trồ Israel dê.