Amôs 9:11 - Sră Goh 2018

¹¹ “Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Amôs 9:11 ပူးပေါင်းရင်းမြစ်များ

Sră Jop 1:10

Yàng ò di neh lơh dô nơm pơnggàr gùt dar khai, hìu nhă khai mơ jơh ală phan gơrê bal mơ khai, tòm kòp đah ò ơ? Yàng neh ai lơngai ală broă tê khai neh lơh, mơ lơh ală phan mơna khai dê gơbơtơl oă tòm lơgar.

Đơs Crih 143:5

Añ kah wơl ală ngai yau òr, Añ kơlôi bơh ală bơta Yàng neh lơh, Mơ kơlôi sơnơng bơh ală broă tê Yàng lơh.

Đơs Crih 80:12

Behơ̆ ñchi bơh tài Yàng lơh tơrlah pơnggàr gơ, Nàng ală cau lòt gan rgơi sơmbrơt plai gơ dê taih?

Đơs Crih 89:40

Yàng neh tơnroh jơh ală dơrñang khai dê, Lơh tơrlah tơrlơm ală theng kơ̆ cê khai dê.

Esai 16:5

Gen dô nơm sơbàn rơp geh bơt bơtào tòm bơta kòñ gơboh kơ̆ dơn tòm sàl Dabit dê, bơta dòn song rơp nggui hơđang hơ̆, dô nă cau at bồ rơp jòi bơta song ring mơ sơrbac sơrbang lơh bơta di ngan.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 58:12

Bol mê rơp bơt wơl ală tiah tơrlah tơrlơm lài òr; mê rơp bơtào wơl ală mơnàng bơh ală rài yau dê; bol mê rơp geh sơnđan la cau rcang wơl ală tiah neh tơrlah tơrlơm, mơ la Cau Bơt Wơl ală gùng lòt tiah cau in ơm.

Esai 63:11

Gen bol khai kah wơl ală ngai yau òr, bơh Môise la cau duh broă Kơnràñ dê. Ntềng đah Bơtau neh cèng bol khai tiă lik bơh dàlềng cau ê bal mơ mpồl belàt Kơnràñ dê taih? Ntềng đah Bơtau neh ơn tòm bol khai Hwềng Goh Kơnràñ dê taih?

Esai 65:9

Añ rơp lơh ală kòn sau lik bơh Jakôp, mơ bơh Juda gơlik ală cau pơrdòn ală mơnơm Añ jê; làng bol sac rwah Añ jê rơp pơrdòn gơ, mơ tềng hơ̆ ală cau duh broă Añ jê rơp ơm.

Jeremi 18:9

Mơ kung gơs dô tŭ ndai Añ đơs bơh dô làng bol, dô lơgar lah Añ rơp bơt bơtào gơ, tam gơ;

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Jeremi 46:26

Añ rơp phi bol khai tòm tê ală cau jòi bơta kis bol khai, hơ̆ la tòm tê Nebukatnessar, bơtau Babilôn, mơ tòm tê ală cau kwang khai dê; tơnơ̆ mơ hơ̆ Ejiptơ rơp gam gơs làng bol ơm kung be yau òr, Yàng Jehôwa đơs behơ̆.

Ñìm Rac 5:21

Khoai Yàng Jehôwa, dan bơtào bol hi wơl hơ să tòm Kơnràñ, gen bol hi rơp geh bơtào wơl, Lơh pa wơl ală ngai bol hi dê kung be yau òr!

Ejekiel 17:24

Jơh ală chi tòm ƀlàng rơp git hơ̆ la Añ, Yàng Jehôwa, neh tơmù chi jơnhoa hơđơm mơ yò tơngguh chi liah hơđang. Añ lơh ro chi tơlir mơ lơh chi ro gơlik tơlir niam wơl. Añ la Yàng Jehôwa, neh đơs mơ Añ rơp lơh bơta hơ̆.”

Ejekiel 36:11

Añ rơp ai bơtơl khà kòn mơnus mơ phan poan jơng hơđang bol mê, bol khai rơp gơbơtơl mơ gơlik oă. Añ rơp lơh mê in gơs làng bol ơm kung be lài òr, mơ ai bol mê in oă bơta niam rlau mơ lài òr. Gen bol mê rơp git Añ la Yàng Jehôwa.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mice 7:11

Gơs dô ngai bơt bơtào ală dơrñang mê dê, tòm ngai pò ơnàng ală nhàr lơgar mê dê.

Mice 7:14

Ê gàr tĕ làng bol mê dê mơ gai jra mê dê, la mpồl belàt gơrê bal mê dê, ơm kis is tòm brê, ơm digùl dô nơm suơn tòm lơgar. Lòi tĕ bol gơ in sa ñhơt tòm Basan mơ Galaat kung be tòm ală ngai yau òr.

Mice 7:8

Ơ cau sò tơm di añ, bañ hòn chò bơh añ; tòm tŭ añ gơpừ, añ rơp guh wơl. Tòm tŭ añ nggui tòm tiah klam jơngo, Yàng Jehôwa rơp la bơta àng añ jê.

Sacari 12:7

Yàng Jehôwa rơp ai bơta pha lin ală sàl ơm cau Juda dê sơnròp ngan, tồ bơta gơklŏ hìu Dabit dê mơ làng bol Jerusalem dê ò geh lin rlau mơ Juda.

Sacari 14:10

Jơh plai ù, bơh Geba jơl tus hơ Rimmôn, đah đơm Jerusalem, rơp gơlik gơs kung be Arabah. Mơya Jerusalem rơp geh tơngguh jơnhoa hơđang tòm tiah gơ dê, bơh Mpồng Benjamin tus di tiah Mpồng Sơnròp, tus di Mpồng Mum, mơ bơh Theng Hananel tus di tiah pat tơrnòm ño cau bơtau dê.

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Khà Làng Bol 24:18

Edôm rơp kong tòmpìt ai; Seir, cau sò tơm khai dê, rơp kong tòmpìt ai, mơya Israel rơp gơlik dờng pràn kơldang.