Amôs 9:10 - Sră Goh 2018

¹⁰ Jơh ală cau tồi glài tòm làng bol Añ jê rơp chơt bơh đào, hơ̆ la jơh ală cau đơs lah: ‘Rung rài rơp ò dùh hơđang bol he, hala tus rềp di bol he.’”

Amôs 9:10 ပူးပေါင်းရင်းမြစ်များ

Đơs Crih 10:11

Khai kơlôi lah: “Yàng Tom Trồ neh hŭi rau, Kơnràñ neh pơndơp mat, rơp ò gơs tŭ lơi sền gŏ.”

Cau Bơto 8:11

Tài bơh ò lơh nền glài tòmdră mo mơ ală broă iơh, gen tàng nùs kòn mơnus jak lơh bơta iơh.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Amôs 6:3

Bol mê sang ngài tĕ ngai iơh bơsak, mơ cèng tus rềp dô gơnoar at bồ jàñ bơsak.

Amôs 9:8

Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Malaci 3:15

Mơya tŭ do bol he kòp cau pơnhừ să la geh lơngai; ală cau lơh broă iơh bơsak ò di mìng geh bơtoah bơtoài, mơya tòm tŭ bol khai lòng Yàng Tom Trồ, bol khai kung geh klàs sơl.’”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.