Amôs 9:1 - Sră Goh 2018

¹ Añ gŏ Yàng Jehôwa ntào rềp di gah cơnòng duh khoai, mơ Kơnràñ đơs lah: “Pòng tĕ ală bồ jrong jơl tus ală ròc bơr mpồng gơlơnggơr; pòng bơcah tĕ bol gơ hơđang bồ jơh ală làng bol, ală cau gam wơl gen Añ rơp tơnchơt mơ đào. Ò gơs dô nă cau lơi rơp geh dô, ò gơs dô nă cau lơi rơp geh klàs.

Amôs 9:1 ပူးပေါင်းရင်းမြစ်များ

II Yal Yau 18:18

Mice đơs tai lah: “Behơ̆ gen, iat tĕ jơnau Yàng Jehôwa dê: Añ neh gŏ Yàng Jehôwa ơm nggui hơđang sơbàn Kơnràñ dê, bal mơ jơh ală cau gơnrơh hơđang trồ ơm ntào đah ma mơ đah kiau Kơnràñ.

Đơs Crih 68:21

Mơya Yàng Tom Trồ rơp pòng bơcah bồ ală cau sò tơm di Kơnràñ, Hơ̆ la bồ cau kư̆ lòt jat gùng iơh bơsak khai dê.

Đơs Crih 68:22

Yàng đơs lah: “Añ rơp cèng wơl bol khai bơh di mơnơm Basan, Añ rơp cèng wơl bol khai bơh di tiah dàlềng jrô,

Esai 30:16

Bol mê đơs lah: ‘Ò, bol hi rơp hào ơseh ntoat dô!’ Gen tàng bol mê rơp ntoat dô! mơ đơs lah: ‘Bol hi rơp hào ơseh jak!’ Gen tàng ală cau ting jat bol mê kung rơp ntoat mhar!

Esai 6:1

Tòm nam bơtau Ôsia sang rài, añ gŏ Yàng Jehôwa nggui hơđang dô nơm sơbàn jơnhoa ngan, tiang ào jrùh Kơnràñ dê bềng hìu duh khoai.

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 42:16

gen pềs tà mơ bol mê rngòt rngơt rơp ting bàn bol mê tòm lơgar Ejiptơ; bơta jơgloh rung mơ bol mê cù kìr kung rơp ting jat bol mê tòm lơgar Ejiptơ, mơ bol mê rơp chơt tềng hơ̆.

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Ejekiel 1:28

Bơta àng gơcrà gùt dar cau hơ̆ la tòm toh kung be dô nơm bơrlangkang tòm mhwal tòm ngai gơs mìu. Hơ̆ la bơta ràng tơlik bơh bơta gơklŏ Yàng Jehôwa dê. Tòm tŭ añ sền gŏ bơta hơ̆, añ tơmbic să blup mat tòm ù, mơ añ kơno sap dô Bơtau đơs mơ añ.

Ejekiel 10:4

Gen bơta gơklŏ Yàng Jehôwa dê gơguh bơh hơđang ceruƀim mơ gơ lòt tus di di đap mpồng hìu duh khoai. Hìu duh khoai bềng mhwal, mơ rơng hìu bềng àng gơcrà bơta gơklŏ Yàng Jehôwa dê.

Ejekiel 15:7

Añ rơp wèt mat tòmdră mơ bol khai. Bulah bol khai neh lik klàs bơh ồs, ồs rơp gam chu pơrguc bol khai. Mơ mê rơp git Añ la Yàng Jehôwa, tòm tŭ Añ wèt mat tòmdră mơ bol khai.

Ejekiel 9:2

Mơ gơs prau nă tus bơh mpồng dờng đah đang, kòp nă at phan tòmlơh tòm tê. Tòm bol khai gơs dô nă cau soh ào che dơmài, di ngkòi àñ ding gai cih, bol khai mut mơ ntào di gah cơnòng duh khoai mơ kòng.

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Amôs 7:17

Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Amôs 7:9

Ală tiah jòng jơnhoa Isak dê rơp kòl tơnroh, mơ ală tiah sàng goh Israel dê rơp kòl lòi srau gòi, mơ Añ rơp at đào guh tòmdră mơ hìu Jerôbôam.”

Habakuk 3:13

Kơnràñ neh lik nàng dong tă làng bol Kơnràñ dê, nàng dong klàs cau geh bong mơñà Kơnràñ dê; Kơnràñ jă tơnlề cau at bồ hìu cau iơh bơsak, Kơnràñ lòi kuh khai bơh bồ tus jơng. (Selah)

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Sôphôni 2:14

Ală mpồl belàt mơ kơnrồ rơp bic rlô tềng hơ̆ bal mơ jơh ală jơi phan poan jơng tòm brê, klàng tòm ƀlàng bràs, bal mơ klàng kò rơp lơh rsòn hơđang cồng ală jrong gơ dê. Sap nrao gơ dê rơp mpong tus di ală mpồng dềt, bơta tơrlah tơrlơm tòm ală gùng mut mpồng, ală phan lơh mơ chi pơnàng rơp kòl tă tơlik.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 1:32

Jang lơh cơng tai lah: “Añ neh gŏ Yàng Hwềng bơh đang trồ mù be sềm ntòp rơp hơđang Kơnràñ.

Broă 26:13

Ơ bơtau, tòm gùng añ lòt di digùl ngai, añ gŏ bơta àng dờng bơh đang trồ, gơcrà rlau mơ mattơngai, sòl gùt dar añ bal mơ ală cau lòt bal mơ añ sơl.

Jôsue 10:18

gen khai sồr lah: “Pơrlă tĕ ală lŭ dờng lềt bơr rgồng lŭ mơ ơn dô êt nă cau kơp gàr gơ.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 8:3

Chòp gơs dô nă cau gơnrơh ndai tus, ntào dê gah cơnòng duh khoai, at dô nơm gri mơ màh ơn kơlhô. Khai neh geh ai oă kơlhô nàng bơcă bal mơ ală jơnau hòi dan jơh ală cau sàng goh dê, mơ ơn hơđang cơnòng duh khoai mơ màh di đap sơbàn.