Amôs 8:9 - Sră Goh 2018

⁹ Tòm ngai hơ̆ Jehôwa Yàng Tom Trồ đơs lah: “Añ rơp lơh mattơngai ñơp tòm tŭ nggùl ngai, mơ lơh plai ù in klam jơngo tòm tŭ trồ ngai.

Amôs 8:9 ပူးပေါင်းရင်းမြစ်များ

Sră Jop 5:14

Bol khai tìp bơta klam jơngo tòm tŭ gùl ngai, mơ jòi tơbư tòm trồ gùl ngai kung be tòm trồ mang.

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 15:9

Cau ùr neh tơnggơs poh nă kòn, neh lơbơn òsô. Tă nhơm lồi; Mattơngai khai neh ñơp tŭ trồ ngai; Khai kong dơñŏ tơnhial mơ ƀàssìl ƀàsso; Ai ală cau gam wơl bol khai dê, Añ rơp jào đào ală cau sò tơm bol khai in.” Yàng Jehôwa đơs behơ̆.

Ejekiel 32:7

Tòm tŭ Añ tơnroh mê gen añ rơp jơm ală tap trồ mơ lơh jơngo ală sơmañ gơ dê; Añ rơp ai mhwal cang kìng mattơngai, mơ mat kơnhai rơp ò tai pơnđàng bơta àng gơ dê.

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 5:8

Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Mice 3:6

Gen tàng trồ mang rơp tus hơđang bol mê, ò gơs bơta gơtơnggŏ, mơ bơta klam jơngo, ò gơs jơnau yal tơlik. Mattơngai rơp ñơp hơđang ală cau gơnoar hwơr, mơ trồ ngai rơp gơlik jơngo hơđang bol khai.

Sacari 14:7

Hơ̆ rơp la dô ngai pơnjat sùm, ò gơs trồ ngai hala trồ mang, dô ngai Yàng Jehôwa git. Tòm tŭ tus trồ mang gen rơp gơs bơta àng.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Mathiơ 27:45

Bơh jơt bàr jơ gùl ngai gơlik klam jơngo làm ù jơl tus di pe jơ mho

Jơnau Niam Jat Mak 15:33

Bơh di jơt bàr jơ gùl ngai gơlik klam jơngo làm ù jơl tus di pe jơ mho.

Luka 23:44

Tŭ hơ̆ pơgap di jơt bàr jơ ngai, làm lơgar gơs klam jơngo cik jơl tus di pe jơ mho,

Yal Tơlik 6:12

Tòm tŭ belàt Kòn tă ƀang kì dơ̆ prau, gen añ sền gŏ, ne, gơs lơnggơr ù dờng ngan, mattơngai gơlik jù be bài sơnò kiat jù, mơ kơnhai gơlik gơs be mhàm.

Yal Tơlik 8:12

Cau gơnrơh dơ̆ poan uh kơlwòk, gen dô pơnah pe mattơngai, dô pơnah pe mat kơnhai, dô pơnah pe ală sơmañ kong pòng pù, tồ dô pơnah pe ală bơta àng hơ̆ gơlik jơngo, mơ trồ ngai roh dô pơnah pe bơta àng, mơ trồ mang kung behơ̆ sơl.