Amôs 8:5 - Sră Goh 2018

⁵ mơ bol mê đơs lah: “Tŭ lơi kơnhai dùl lik rơp rlau, gen sồng bol hi rgơi tac kòi dơngòi; mơ ngai Saƀat rơp rlau, gen sồng bol hi rgơi ơn kòi mi nàng tac ơ? Bol he rơp lơh epha dềt mơ sieklơ dờng, mơ ngui phan kơr ma blac nàng sa kơrlơm,

Amôs 8:5 ပူးပေါင်းရင်းမြစ်များ

II Ală Bơtau 4:23

Bau klau lùp khai lah: “Ñchi bơh tài lòt tus hơ khai? Ngai do ò di ngai dùl lik, kung ò di ngai Saƀat taih?” Cau ùr ho: “Jơh ală bơta niam lơm.”

Lik Ejiptơ 31:13

“Đơs tĕ mơ làng bol Israel: ‘Bol mê pal prap gàr ală ngai Saƀat Añ jê. Bơta hơ̆ rơp la dô nơm tềl digùl Añ mơ bol mê jơl tus di ală rài tơnơ̆, nàng bol mê rơp git lah Añ la Yàng Jehôwa, la Bơtau lơh bol mê in gơlik gơs sàng goh.

Jơnau Pơnđik 11:1

Dô nơm kơr ma blac la dô bơta cù kìr Yàng Jehôwa in; Mơya plai kơr tòm toh geh niam nùs Kơnràñ.

Jơnau Pơnđik 16:11

Plai kơr mơ phan kơr song ring gơrê mơ Yàng Jehôwa; ală plai kơr tòm kơldung la broă lơh Kơnràñ dê.

Jơnau Pơnđik 20:23

Plai kơr bàr bơta ai lơh cù kìr Yàng Jehôwa in; mơ phan kơr ò tòm toh la bơta ò niam.

Esai 1:13

Bañ ơn phan ơn ò kwơ Añ in tai! Añ cù kìr di ƀô kơlhô Ngai Dùl Lik, ngai Saƀat bal mơ ală bơta pơjum; Añ ò jai kong ală bơta pơjum bal iơh rmơh bol mê dê.

Esai 58:13

Dilah bol mê prap gàr jơng bol mê dê nàng ò lơh tìs ngai Saƀat, bơh ting jat nùs bol mê kòñ tòm ngai sàng goh Añ jê; dilah bol mê sơnđan ngai Saƀat la ngai bol mê niam nùs, mơ ngai sàng goh Yàng Jehôwa dê la pal ki ngàm; mơ dilah mê ki ngàm di ngai hơ̆ mơ ò lòt tòm gùng is bol mê dê, mơ ò lơh jat nùs bol mê kòñ, hala đơs ală jơnau ò kwơ;

Sră Ôse 12:7

Mơya, mê pal rê wơl hơ Yàng Tom Trồ mê dê, prap gàr bơta kòñ gơboh mơ bơta song ring, mơ gơn kơnòm sùm sùm di Yàng Tom Trồ mê dê.

Sră Ôse 12:8

Cau kă bro ngui ală phan kơr ò song; khai kòñ gơboh bơta rồn bơklơn.

Lebi 19:36

Bol mê pal gơs ală phan kơr mơ phan was tòm toh sơnoa rnoas, ngui epha mơ hin song ngan, Añ la Jehôwa Yàng Tom Trồ bol mê dê neh cèng bol mê lik bơh di Ejiptơ.

Sacari 5:6

Añ lùp lah: “Ñchi hơ̆ taih?” Khai ho lah: “Hơ̆ la dô nơm bài.” Mơ khai đơs tai lah: “Hơ̆ la bơta tồi glài iơh bơsak làng bol tòm làm plai ù.”

Sacari 5:8

Mơ khai đơs lah: “Hơ̆ la bơta iơh bơsak,” behơ̆ khai tơlo cau ùr mut wơl tòm bài mơ ai bơnap bài mơ trà trup wơl hơđang bơr bài.

Malaci 1:13

Bol mê đơs lah: “Ñchi gơs dô bơta bòl glar do taih!” Bol mê chềr muh sền òsơp di Añ. Yàng Jehôwa Gơnap Gơnoar Dờng Làm Jơh đơs behơ̆. “Bol mê cèng ală phan neh tòmpìt sơmbrơt hala kwet gơlte mơ kòp jê, mơ ơn bol gơlơh gơs ală phan ơn duh khoai, gen Añ pal dòp bol gơ bơh di tê bol mê sơl ơ?” Yàng Jehôwa đơs behơ̆.

Khà Làng Bol 10:10

Kung behơ̆ sơl, di di ală tŭ hòn chò bol mê dê la ală bơta pơjum sa neh lơh nền mơ ală bơta pơjum sa Ngai Kơnhai Dùl Lik, gen bol mê uh tĕ ală kơlwòk tòm tŭ ơn phan duh khoai chu pơrguc mơ phan duh khoai bơta Ring Lơngai, mơ rơp la dô bơta kah kirsơnre bol mê in di đap Yàng Tom Trồ bol mê dê. Añ la Jehôwa Yàng Tom Trồ bol mê dê.”

Kôlôse 2:16

Behơ̆ gen bañ lòi cau lơi cahrña oh mi bơh phan sa phan ñô, hala bơh ngai pơjum sa, hala ngai kơnhai dùl lik, hala ngai Saƀat.

I Samuel 20:5

Behơ̆ Dabit đơs lah: “Do, ngai hìng la ngai pơjum sa ngai Dùl Lik, añ pal nggui sa bal mơ bơtau; mơya lòi tĕ añ lòt nàng pồn să tòm ƀlàng jơl tus di mho ngai hìng nau.